|
វិធីទាំង៧ក្នុងការអធិដ្ឋាន
Posted: 13th August 2004
|
៦-ការស្តាប់
ក្នុងគម្ពីរបានចែងនូវអ្វីដែលបានកើតឡើងៈ”តាំងពីដើមដំបូងព្រះជាម្ចាស់”ព្រះអង្គបានស្វែងរកយើងជាស្រេចទៅហើយ។ ព្រះគម្ពីរបានបង្ហាញគំនិតជាភាសារបស់មនុស្សនូវអ្វីដែលព្រះជាម្ចាស់កំពុងមានព្រះបន្ទូលទៅកាន់មនុស្សទាំងអស់គ្រប់ជំនាន់គ្រប់វ័យ។
ព្រះគម្ពីរបានកត់ត្រាទុកតាមរបៀបរបស់មនុស្សអំពីការសន្ទនារបស់ព្រះជាម្ចាស់និងមនុស្សដែលកំពុងតែនៅបន្តនៅឡើយ។ នៅក្នុងព្រះគម្ពីរបងប្អូននឹងឃើញអ្វីដែលព្រះជាម្ចាស់បានសន្យាចំពោះបងប្អូននឹងឃើញរឿងរ៉ាវរបស់បងប្អូនផ្ទាល់និងអត្ថន័យរបស់វា។ នៅក្នុងព្រះគម្ពីរបងប្អូនក៏រកឃើញអ្វីដែលព្រះជាម្ចាស់បានសន្យាចំពោះបងប្អូន។ ព្រះសហគមន៏គោរពព្រះគម្ពីរជាសៀវភៅដ៏វិសុទ្ធព្រះគម្ពីរមានសារៈសំខាន់ណាស់នៅក្នុងពិធីបុណ្យ ហើយព្រះគម្ពីរត្រូវបានរៀនឥតឈប់ឈរដោយបព្វជិត បព្វជិតា អ្នកប្រាជ្ញ គ្រូអប់រំជំនឿ និងអ្នកទេសនាប្រៀនប្រដៅ។ ប៉ុន្តែព្រះគម្ពីរបងប្អូនអាចយកធ្វើសៀវភៅផ្ទាល់ខ្លួនរបស់បងប្អូនរហូតបាន។ តាមរយៈព្រះគម្ពីរ ព្រះជាម្ចាស់នឹងបង្ហាញបងប្អូនសេចក្តីពិតដែលមានក្នុងដួងចិត្តរបស់បងប្អូន។ បងប្អូននឹងចាប់ផ្តើមយល់អំពីរបៀបដែលព្រះជាម្ចាស់បានយាងមកយ៉ាងជិតស្និទ្ធជាមួយបងប្អូនមុនពេលបងប្អូនបាននឹកឃើញព្រះអង្គ ហើយបងប្អូននឹងចាប់ផ្តើមយល់ថាព្រះជាម្ចាស់បាននឹងកំពុងបង្កើតជីវិតបងប្អូនដ៏អស្ចារ្យ។ ព្រះជាម្ចាស់បង្កើតបងប្អូននិងពុំសូវមានសេចក្តីសង្ឃឹម វាហាក់ដូចជាគ្មានប្រយោជន៏អ្វីសោះឡើយ។ តែគួរដឹងថាព្រះជាម្ចាស់នឹងបំពេញអោយបងប្អូនតាមព្រះបន្ទូលសន្យារបស់ព្រះអង្គ។ ព្រះគម្ពីរនឹងបើកបង្ហាញបងប្អូនអ្វិដែលព្រះជាម្ចាស់កំពុងធ្វើចំពោះបងប្អូនដើម្បីអោយបងប្អូនមានសេរីភាពពេញលក្ខណៈបងប្អូនអាចដើរផ្លូវណាមួយក៏បាន”ជាអ្នកបួស មានគ្រួសារ ឬនៅលីវអស់មួយជីវិត”។
ដូច្នេះនៅក្នុងការអធិដ្ឋានសូមយកពេលវេលានេះដើម្បីស្តាប់ព្រះជាម្ចាស់មានព្រះបន្ទូលមកកាន់បងប្អូនតាមរយៈព្រះគម្ពីរសូមជ្រើសរើសអត្ថបទខ្លីៗ ហើយអានយឺតៗធ្វើអោយព្រះបន្ទូលបានជ្រាបចូលទៅក្នុងដួងចិត្តរបស់បងប្អូន។ សូមអង្វរព្រះជាម្ចាស់ សូមព្រះអង្គមានព្រះបន្ទូលមកបងប្អូនសូមអង្វរព្រះអង្គបើកទំព័រជីវិតរបស់បងប្អូនដើម្បីអោយបងប្អូនបានយល់ពីជីវិតរបស់ខ្លូន។
Article Source: CAHAYA SUARA RESOURCE CENTRE
|
Print this page
Reflection #56