" អ្នកណាដាក់ចិត្តជាអ្នកក្រខ្សត់ អ្នកនោះមានសុភមង្គលហើយ ត្បិតពួកគេបានទទួលព្រះរាជ្រនៃ ស្ថានបរមសុខ! "
បងប្អូនជាទីស្រាលាញ់
នៅដើមរដូវសែសិបថ្ងៃឆ្នាំ២០០៨នេះ ខ្ញុំមានអំណររីករាយនៅរួមជាមួយបងប្អូន
ដើម្បីបន្តសន្ទនាជាមួយគ្នា។ នៅរដូវសែសិបថ្ងៃ ឆ្នាំ២០០៧ យើងទាំងអស់គ្នាបានចាប់ផ្តើមបើកឆ្នាំអធិដ្ឋាន ផ្អែកតាមប្រធានបទ របស់សមាជអ្នកប្រកាសដំណឹងល្អនៅទ្វីបអាស៊ី ដែលប្រារព្ធធ្វើនៅឈាងម៉ៃ និទានព្រះជន្មព្រះយេស៊ូក្នុង ជីវិតយើងផ្ទាល់។ ជាឱកាសអោយគ្រប់ក្រុមគ្រួសារ គ្រប់ស្ថាប័ន និងគ្រប់អង្គការ កាតូលិកក្រៅរដ្ឋាភិបាល នៅព្រះសហគមន៍កាតូលិកភូមិភាគភ្នំពេញ រួមគ្នានមស្ការស្មឹងស្មាធិ៍ព្រះបន្ទូលព្រះជាម្ចាស់ដែលបានរៀបចំ ជារៀងរាល់ខែ និងចូលរូមសំណាក់ធម៌រាងរាល់បីខែម្តង។ យើងទាំងអស់គ្នាមានអំណរសប្បាយដោយបាន ជួបគ្នាកាលពីថ្ងៃទី ១៨ ខែមិថុនាឆ្នាំ ២០០៨ កន្លងទៅធ្វើអោយយើងបានស្គាល់គ្នាទៅវិញទៅមកកាន់តែប្រ សើរឡើងៗ។ ឥឡូវនេះយើងខ្ញុំសូមអរញ្ជើញបងប្អូនទាំងអស់រួមទាំងគ្រីស្តបរិស័ទទាំង៣៦ ព្រះសហគមន៍ជូបជុំគ្នានៅថ្ងៃបុណ្យរបស់ព្រះសហគមន៍កាតូលិកភូមិភាគភ្នំពេញយើង ដែលនឹងប្រព្រឹត្តទៅនៅថ្ងៃទី
៣០ខែមិនា ឆ្នាំ២០០៨ ។
ខ្ញុំមានអំណររីករាយ សូមអញ្ជើញបងប្អូនទាំងអស់ ជូបជុំគ្នាអោយបានច្រើនកុះករលើកតម្កើងព្រះគ្រីស្តមានព្រះជន្មរស់ឡើងវិញយ៉ាងរុងរឿង នៅថ្ងៃទី ៣០ ខែមិនា ឆ្នាំ ២០០៨ជាថ្ងៃអាទិត្យទី២ នៃរដូវបុណ្យចម្លង នៅ
សាលាសាឡេស៊ាន ដុនបូស្កូ ភ្នំពេញថ្មី។
ដោយការអធិដ្ឋាន និងពិធីបុណ្យ យើងរួមគ្នាលើកតម្កើងព្រះអម្ចាស់ជាប្រភពនៃជីវិត និងធ្វើជាសាក្សីអំពីព្រះជន្មព្រះយេស៊ូ តាមរយៈព្រះបន្ទូលដែលបានកែប្រែជីវិតរស់នៅរបស់ពូកយើង និងរបស់បងប្អូនដែលនៅជុំវិញយើង។យើងទាំងអស់គ្នាយកចិត្តទុកដាក់ជាពិសេសស្វាគមន៍ទទូលបងប្អូនដែលបានទទួលពីធីជ្រមុជទឹកនៅឆ្នាំ២០០៧ និងឆ្នាំ២០០៨ ទុកជាសកី្ខភាពនៃធម៌មេត្តាករុណារបស់ព្រះជាម្ចាស់ដែលទ្រង់បាន សម្តែងការអស្ចារ្យក្នុងព្រះសហគម្មន៍ដ៏តូចរបស់យើង។ ពេលដែលខ្ញុំធ្វើទស្សនៈកិច្ចគ្រឹះនៃព្រះសហគមន៍ នៅក្បែរផ្នូរគ្រីស្តទូតសិលា និងគ្រីស្តទូតប៉ូលកាលពីខែកញ្ញា ឆ្នាំ ២០០៧ កន្លងទៅ សម្តេចប៉ាបរបស់យើង បេឌីតូ ទី១៦ បាននិយាយមកខ្ញុំថាៈ ពេលលោកវិលត្រទប់ទៅកម្ពុជាវិញ សូមលោកពាំនាំសេចក្តីស្រលាញ់ដ៍កក់ក្តៅរបស់ខ្ញុំដែលបន្តមុខងារពីគ្រឹស្តទូតសិលាមក ជូនចំពោះលោកបូជាចារ្យ បព្វជិត បព្វជិតាអស់អ្នកណែនាំអបរំជំនឿ និងគ្រឹស្តបរិស័ទទាំងឡាយក្នុងព្រះសហគមន៍របស់លោក។ ខ្ញុំដឹងច្បាស់អំពីទុក្ខវេទនានិងពីកម្លាំងចិត្តអង់អាចក្លាហានរបស់បងប្អូនទាំងនោះដែលបានរស់នៅយ៉ាងស្មោះត្រង់ភក្តីចំពោះព្រះអម្ចាស់យេស៊ូ និងស្មោះត្រង់ចំពោះព្រះសហគមន៍របស់ព្រះអង្គ។ នៅថ្ងៃនេះខ្ញុំសូមអញ្ជើញបងប្អូន ទាំងនោះអោយមានជំនឿខ្ជាប់ខ្ជូននិងអោយផ្តល់សកី្ខភាពអំពីព្រះហរទរ័យស្រលាញ់របស់ព្រះជាម្ចាស់ចំពោះបងប្អូនរួមជាតិដោយចិត្តទូលំទូលាយ ៉។
ឱមានជំនឿខ្ជាប់ខ្ជួន និងអោយផ្ទល់សកី្ខភាពអំពីព្រះហប្ញទ័យស្រលាញ់របស់ព្រះជាម្ចាស់ ចំពោះប្អូនរួមជាតិដោយចិត្តទូលំទូលាយ!
ប្រយោគរបស់សម្តេចប៉ាបបេណេឌីតូទី១៦ ខាងលើនេះក៍ជាពាក្យជូនពររបស់ខ្ញុំចំពោះបងប្អូនក្នុងរដូវសែសិបថ្ងៃ ឆ្នាំ២០០៨ នេះដែរ។
ខ្ញុំសូមប្រទានពរអោយបងប្អូនប្រុសស្រីទាំងអស់ ខ្ញុំសូមអធិដ្ឋានជាពិសេសអោយអស់បងប្អូនដែលនឹងរៀបចំ ខ្លួនទទួលអគ្គសញ្ញាជ្រមុជទឹកនៅរាត្រីបុណ្យចម្លង រាត្រីថ្ងៃទី ២៣ ខែ មីនា ឆ្នាំ២០០៨ បុណ្យព្រះយេស៊ូទទួលព្រះជន្មថ្មីដ៍រុងរឿងខាង
មុខនេះ។
លោកអភិបាល អេមីល ដេតម្ប
Print this page
Diocese of Phnom Penh - Article #540
