|
ការចុះសួរសុខទុក្ខនិងចែកការដូរដល់ក្រុមគ្រួសារខ្វះខាតពីក្រុមយុវវជនគ្រិស្តបរិស័ទ
Posted: 3rd January 2008
គឹម ពិសិដ្ឋប្រគល់អំណោយដល់អ្នកក្រីក្រ
|
ព្រៃវែង (C.S.C)៖ ក្រុមអតីតនិស្សិតប្រមាណ១៣នាក់នៅក្នុងទីក្រុងភ្នំពេញនៃមណ្ឌលនិស្សិតកាតូលិកកម្ពុជា បានធ្វើការចុះសួរ សុខទុក្ខគ្រួសារក្រីក្រចំនួន១០គ្រួសារដែលរួមជាមួយនិងអំណោយបន្តិចបន្តូចនៅខេត្តព្រៃវែងមានចំងាយប្រមាណ ៩០គ ម ពីទិសខាងលិចនៃទីក្រុងភ្នំពេញកាលពីថ្ងៃ ទី១៦ ខែឆ្នូកន្លងទៅថ្មីៗនេះ។
នៅក្នុងគ្រួសារនិមួយៗបានទទួលភួយមួយ, ម៉ី, សាប៊ូ, សំលៀកបំពាក់ និងឯសណ្ឋានសិស្សជាដើម អំណោយទាំងនេះចេញមកពីការវិភាគទានរបស់និស្សិតដោយ ផ្ទាល់។ មណ្ឌលនិស្សិតកាតូលិកកម្ពុជាមានក្រុមជីវិតគ្រិស្តបរិស័ទចំនួន១៣ក្រុមចាប់តាំងពី១៩៩៩មកម្ល៉េះ ម្យ៉ាង វិញទៀតក្រុមនេះបានចេញពីមណ្ឌលចំនួន៩ក្រុមទៅហើយ។ លោកបូជាចារ្យ យ៉ូហាន អេវ៉ាន
អាស្លីដែលជាក្រុម ស្ម័គ្រចិត្តបំរើការនៅក្រុម JSC លោកបានបន្តបង្កើតអោយមានក្រុមជីវិត ជាគ្រិស្តបរិស័ទជាបន្តបន្ទាប់សំរាប់និស្សិត ជំនាន់ក្រោយៗទៀតផងដែរ។សំរាប់ក្រុមដែលបានចុះទៅសួរសុខទុក្ខគ្រួសារក្រីក្រនៅខេត្តព្រៃវែង នេះជាជំនាន់ទី៦ (២០០២)។
ការចុះសួរសុខទុក្ខនេះត្រូវបានដឹកនាំដោយលោកឪពុក អូរ អ៊ីនឌុន ដែលជាក្រុមការងារជា មួយនិងលោកអាស្លឺដែរ។ លោកបានប្រាប់ក្រុមអ្នកយកពត៌មានរបស់យើងថា "យើងបានទទួលព្រះអំណោយ ទានពីព្រះជាម្ចាស់។ បេសសកម្មរបស់ពួកយើងគឺជួយដល់អ្នកក្រក្រី"។
លោក ហ៊ាងថា ជាពោះម៉ាយរស់នៅជាមួយកូនបីនាក់គាត់ធ្វើការនៅកំពុងផែអាចរក ប្រាក់ចំនូលក្នុងមួយ ថ្ងៃតិចជាង៨០០០រៀល, លោកបានបញ្ចាក់ប្រាប់ថា៖ "ប្រាក់ទាំងនេះមិនគ្រប់គ្រាន់សំរាប់ការចាយ វាយរបស់ខ្ញុំនិងកូនៗនោះទេ" ជាមួយគ្នាផងនេះបុរសដែលមានវ័យ៤៩ឆ្នាំនេះបានធ្វើការអរគុណចំពោះក្រុមនេះសំរាប់ ការដូបន្តិចបន្តូចនេះ។
អ្នកស្រី ហេង ចាន់នី ដែលមានអាយុ៣៦ផ្ទុកមេរោគអេដស៏ហើយ រស់នៅជា មួយកូន ៤ដែលកំពុងអង្គុយនៅខាងមុខកូនខ្ទមបាននិយាយថា៖ "ខ្ញុំពិតជាមានក្តីសប្បាយរីករាយយ៉ាងខ្លាំងសំរាប់អំណោយនៅក្នុងថ្ងៃនេះទោះបីវាជារបស់បន្តិចបន្តួចក៏ដោយប៉ុន្តែវាពិតជាមានន័យសំរាប់ខ្ញុំ" អ្នកស្រីបានបន្តទៀតថា គាត់អាចរកប្រាក់ បានតែ៦០០០រៀលតែប៉ណ្ណោះក្នុងមួយថ្ងៃដោយការបោកសំលៀកបំពាក់ និងថែរក្សាផ្ទះអោយគេ។
ក្រុមនិស្សិតនេះក៏បានបន្តដំនើរទៅសួរសុខទុក្ខដល់ផ្ទះ អ្នកស្រីត្រប់ អាយុ៦០ឆ្នាំ ដែលពិការ ដៃម្ខាង ដោយឧបទវហេតុ អ្នកស្រីបានថ្លែងការអរគុណយ៉ាងខ្លាំងដល់ក្រុមនេះផងដែរ។ អ្នកស្រីបាននិយាយទាំងទឹកភ្នែកថា "សូមជួយខ្ញុំផង ខ្ញុំពិតជាមានការលំបាកណាស់ នៅក្នុងការរស់នៅនេះ" ដោយរូបអ្នកស្រីកាន់តែមានវ័យចំណាស់ទៅហើយម្យ៉ាងទៀតត្រូវទទួលខុសត្រូវទៅលើ កូនស្រីដែល វិកលចារិកថែមទៀតផង។
លោកគឹមពិសិដ្ឋមានអាយុ២៥ជាសមាជិកក្រុមជីវិតគ្រិស្តបរិស័ទបានមានប្រសាសន៏ ដល់ក្រុមអ្នកយកពត៌មានរបស់យើងថា៖ "អ្វីដែលចេញពីបេះដូងនិងសេចក្តីស្រលាញ់របស់ពួកយើង,
ឥទ្បូវនេះយើងអាច ជួយដល់អ្នកក្រីក្រក្នុងនាមជានិស្សិតទោះបីជាការដូចនេះមានលក្ខណះស្តូចស្តើងក៏ដោយ តែការទាំងអស់នេះបាន ធ្វើអោយខ្ញុំយល់ពីសេចក្តីស្រលាញ់ចំពោះអ្នកដទៃ"។
ចំពោះលោក ជួ ដាម៉ូអាយុ២៣ឆ្នាំ បានបន្ថែមទៀតថា៖ "សព្វថ្ងៃពួកគេមានការត្រេកអរនិងរបស់ទាំងនេះ ចុះទៅថ្ងៃខាងមុខ? តើគេមានអារម្មណ៏យ៉ាងណា បន្ទាប់ពីរបស់ទាំងនេះត្រូវបានប្រើអស់?" លោកជា អ្នកស្ម័គ្រចិត្ត បំរើការងារដល់ គួសារក្រក្រីនៅខេត្តព្រៃវែង អស់រយះពេលមួយឆ្នាំ។ លើសពីនេះទៅទៀតលោក ហ៊ិន រ៉ាន់ក៏បានបន្តទៀតថា៖ "យើងមកទីនេះដើម្បីសួរសុខទុក្ខអ្នកក្រីក្រដោយសេចក្តីស្រលាញ់និងចែករំលែកនូវអ្វី ដែលយើងបានទទួលពីព្រះជាម្ចាស់, នៅពេលដែលក្រុមរបស់យើងធ្វើការប្រជុំ យើងតែងតែធ្វើការអធិដ្ឋាននិងរំលឹកពីក្តីស្រលាញ់ប៉ុន្តែអ្វីទាំងនេះ មិនដែលកើតចេញជាសកម្មភាពទេ" លោកបានពន្យល់ប្រាប់យើងថា "យើងក្រ តែយើងបានធ្វើការប្រមូលលុយពី ម្នាក់បន្តិចបន្តួចដើម្បីទិញរបស់ទាំងអស់នេះ" ១០គ្រួសារជាចំនួនដែលតូចណាស់ តែអ្វីដែលសំខាន់នោះគឺសេចក្តីស្រលាញ់ ក្រុមជីវិតគ្រិស្តបរិស័ទរបស់យើងបានទទួលការអប់រំពីព្រះគម្ពីដើម្បីធ្វើការែចករំលែកគាំទ្រជីវិតបងប្អូនទាំងអស់។
សមាគមន៏ជីវិតគ្រិស្តបរិស័ទដំបូងទ្បើយមានតែ៨សមាជិកតែប៉ុណ្ណោះប៉ុន្តែឥទ្បូវនេះមានដល់ទៅ១៤០នាក់ក្នុង ចំណោម១៣ក្រុម។
សមាគមន៏ជីវិតគ្រិស្តបរិស័ទគឺជារបៀបនៃការរៀបចំជាជីវិតជាគ្រិស្តបរិស័ទដែលមានដើម កំណីតតាំងពីឆ្នាំ១៥៦៣នៅពេលដែលលោក John Leunis បានបង្កើតក្រុមនេះនៅទីក្រុងរ៉ូមជាការលក្ខណៈការ មគ្គីនៃក្រុម Our Lady ដែលរៀបចំទ្បើងដោយ Ignatian spirituality។ ដែលមានសមាជិកសុទ្ឋតែជានិស្សិត ទាំងអស់គ្នាដែលមានវ័យក្មេង។
Article Source: ការិយាល័យព័ត៌មានកាតូលិក កម្ពុជា
|
Print this page
News #533