|
សួស្តីបុណ្យព្រះយេស៊ូប្រសូត ហៅថា បុណ្យណូអែល
Posted: 19th December 2007
គ្រឹស្តបរិស័ទរៀបចំកុមារយេស៊ូ
|
ប្រសិនបើបងប្អូនដើរនៅទីក្រុង បងប្អូនមុខជានឹងឃើញផ្កាយធំៗ ធ្វើពីក្រដាសចម្រុះពណ៌ ឃើញពន្លឺចាំងចែងយ៉ាង ស្អាត មានតាំងផ្សព្វផ្សាយពាណិជ្ជកម្ម មានការញឲ្យទៅពិសាម្ហូប
យ៉ាងឆ្ងាញ់នៅកន្លែងនេះ កន្លែងនោះ។ល។ ក្នុងហាងខ្លះ មានតាំងតុក្កតា តាចាស់ម្នាក់ ពាក់ពុកមាត់វែងអាវពណ៌ក្រហម មួកក្រហមែវង ហៅថា តាណូអែល។ មនុស្សជាច្រើនយល់ច្រឡំ ដោយស្មានថា បុណ្យណូអែល គ្រាន់តែជាបុណ្យសប្បាយ ឬក៏ជាចូលឆ្នាំអឺរ៉ុប ឬក៏ជារដូវជូន ពរគ្នាទៅវិញទៅមកប៉ុណ្ណោះ។
តាមពិត យើងជាគ្រីស្តបរិស័ទ មិនពេញចិត្តនឹងការទាំងសោះ ព្រោះការទាំងនោះហូរចេញមកពីទំនៀមទម្លាប់អ្នក គោរពព្រះអាទិត្យ ឬម្ចាស់ទឹកម្ចាស់ដីរស់នៅទ្វីបខាងជើងតាំងពីបុរាណមក គឺមិនជាប់ទាក់ទងនឹងជំនឿនៃគ្រីស្ត សាសនាយើងទាល់តែសោះ។
ចំពោះយើងជាគ្រីស្តបរិស័ទវិញ នៅថ្ងៃ ២៤-២៥ ខែធ្នូ យើងនាំគ្នាធ្វើបុណ្យរំឭកថ្ងៃព្រះយេស៊ូប្រសូតនៅដើមនៃគ្រីស្ត សករាជ។ បុណ្យណូអែលមកពីពាក្យឡាតាំងមានន័យថា "កំណើត"។ ទោះបីក្នុងគម្ពីរគ្មានចែងអំពីថ្ងៃព្រះយេស៊ូ ប្រសូតក្តី ក៏គ្រីស្តបរិស័ទពីដើមសន្មតយកថ្ងៃទី២៥ ខែធ្នូ ធ្វើជាថ្ងៃខួបកំណើតព្រះអង្គ ដើម្បីគោរពព្រះអង្គទុកជាពន្លឺ ដែលបំភ្លឺពិភពលោក នៅថ្ងៃដែលសាសន៍ដទៃគោរពថ្វាយបង្គំព្រះអាទិត្យ ទុកជាព្រះរបស់គេ។
តាមគម្ពីរមានរៀបរាប់អំពីព្រះយេស៊ូប្រសូតយ៉ាងអស្ចារ្យ
ដូចពុទ្ឋបរិស័ទតែងពិពណ៌នាអំពីព្រះពុទ្ឋប្រសូតដូច្នេះដែរ ក្នុងគោលបំណងប្រកាសជំនឿរបស់ខ្លួនចំពោះព្រះដែលខ្លួនគោរពបម្រើនោះ។ នៅថ្ងៃបុណ្យនេះ យើងជាគ្រីស្តបរិស័ទ គោរពព្រះយេស៊ូទុកជាព្រះគ្រីស្ត និងជាព្រះអម្ចាស់តាំងពីកើតមក។ដោយព្រះជាម្ចាស់ប្រសូតមកជាមនុស្សដូចយើងបេះបិទ យើងជាគ្រីស្តបរិស័ទជឿថា មនុស្សគ្រប់ៗរូបមានតម្លៃដ៏ថ្លៃថ្នូរ ព្រោះមនុស្សសុទ្ឋតែជារូបតំណាងរបស់ព្រះអង្គ។
នេះជាគ្រឹះនៃសិទ្ឋមនុស្ស។ ទោះបីអ្នកក្រីក្រតោកយ៉ាកក្តី អ្នកគ្មាន សម្លៀកបំពាក់ក្តី មនុស្សល្ងង់ក្តី អ្នកកើតអេដស៍ក្តី ក៏សុទ្ឋតែមានតម្លៃដ៏ថ្លៃថ្នូរដែរ ព្រោះគេជាបុត្រធីតារបស់ព្រះជា ម្ចាស់។ក្នុងឱកាសបុណ្យព្រះយេស៊ូប្រសូត បើយើងមានបំណងចង់គោរពព្រះយេស៊ូយ៉ាងពិតប្រាកដ យើងត្រូវតែនឹកគិតដល់ អ្នកដែលសង្គមលះបង់ចោល ជួយអ្នកក្រីក្រដោយសុទ្ឋចិត្ត យកចិត្តទុកដាក់ស្រុះស្រួលជាមួយអ្នកដែលមានរឿងនឹង យើង។ល។ ដោយជឿថា នៅពេលយើងគោរពមនុស្សម្នាក់ យើងពិតជា គោរពព្រះយេស៊ូដែលប្រសូតមកជាមនុស្ស ដូចយើងដែរ។ យើងត្រូវនឹកដល់ពាក្យរបស់ចាស់បុរាណថា "ព្រះជាម្ចាស់ប្រសូតជាមនុស្ស ដើម្បីឲ្យមនុស្សកើតជាព្រះ ជាម្ចាស់វិញ"។
Article Source: លោកបូជាចារ្យ ហ្រ្វង់ស្វ័រ សូដ៍
|
Print this page
News #531