|
មិត្តភាពថ្មីរវាងសន្តហ្វ្រង់ស្វ័រ (SAINT FRANÇOIS) និង តេម៉ាស៊ីក (Temasek)
Posted: 30th May 2007
វិទ្យាល័យ សន្តហ្វ្រង់ស្វ័រ
|
តាកែវ (C.S.C)កាលពីថ្ងៃទី២២ ខែឧសភា ឆ្នាំ២០០៧ អ្នកសម្របសម្រួល លោកនាយក លោកគ្រូ អ្នកគ្រូ បុគ្គលិក សិក្សា និងសិស្សានុសិស្សវិទ្យាល័យសន្តហ្វ្រង់ស្វ័រ នៃព្រះសហគមន៍កាតូលិក សន្តីម៉ារីញញឹម ចំការទៀង ភូមិភាគ ភ្នំពេញ បានទទួលស្វាគមន៍យ៉ាងរាក់ទាក់ដល់លោកគ្រូ អ្នកគ្រូចំនួន ៣រូប ព្រមទាំងសិស្សានុសិស្សចំនួន ៣២នាក់ មកពីអនុវិទ្យាល័យ តេម៉ាស៊ីក ប្រទេសសិង្ហបុរី ។ ក្នុងឱកាសនោះផងដែរ សិស្សានុ សិស្សនៃអនុវិទ្យាល័យ ទមោសកេ បានបង្ហាញពីទីតាំងសំខាន់ៗ សកម្មភាពសាលា ប្រពៃណីទំនៀមទម្លាប់ និងការ រស់នៅរបស់សិង្ហបុរី តាមរយៈការបញ្ជាំង។
ជាកិច្ចស្វាគមន៍ លោកប៉ិច វិបុល នាយកវិទ្យាល័យសន្តហ្វ្រង់ស័្វរ បានមានប្រសាសន៍ដោយទឹកមុខញញឹម ថា ខ្ញុំមានអំណរសប្បាយរីករាយណាស់ចំពោះការមកដល់របស់លោកគ្រូ អ្នកគ្រូ និងសិស្សានុសិស្សទាំងអស់នៃ សាលាអនុវិទ្យាល័យ តេម៉ាស៊ីក។ ហើយខ្ញុំសង្ឃឹមថា ដំណើរកម្មវិធីសិក្សារបស់ប្អូនៗ សិស្សានុសិស្ស បានប្រកបដោយជោគជ័យ និងទទួលបានបទពិសោធន៍យ៉ាងល្អប្រសើរពីសាលាសន្តហ្វ្រង់ស្វ័រ។ លោកនាយកបាន បន្តទៀតថា សូមឲ្យទំនាក់ទំនង រវាងវិទ្យាល័យសន្តហ្វ្រង់ស្វ័រ និងអនុវិទ្យាល័យតេម៉ាស៊ីក កាន់តែមានភាពល្អប្រសើរ ក៏ដូចជាចំណងមិត្តភាពរវាងកម្ពុជា និងសិង្ហបុរីដែរ។
ក្រោយពីកិច្ចស្វាគមន៍ និងទំនាក់ទំនងយ៉ាងស្និទ្ឋស្នាល គណៈគ្រប់គ្រងវិទ្យាល័យសន្តហ្វ្រង់ស័្វរ បានជ្រើសរើសតំណាងសិស្ស ៣០នាក់ ដើម្បីចូលរួមបង្កើននូវទំនាក់ទំនង ឲ្យកាន់តែជិតស្និទ្ឋជាមួយនឹងសិស្សានុសិស្ស តាមរយៈការលេង ល្បែងកំសាន្តផ្សងៗ និងសិក្សាជំនាញកសិកម្មផ្នែកចិញ្ចឹមជ្រូក និងដំណាំហូបផ្លែ។ មិនតែប៉ុណ្ណោះ សិស្សានុសិស្សទាំងពីរក្រុម បានធ្វើដំណើរទៅភ្នំវល្លិ ស្ថិតនៅភូមិចំការបី សង្កាត់ពងទឹក ខណ្ឌដំណាក់ចង្អើរ ក្រុង កែប ដើម្បីជួយសាងសង់សាលាមត្តេយ្យ សម្រាប់កុមារក្រីក្រ និងដាំដំណាំ អស់រយៈពេល ៤ថ្ងៃ។
នៅថ្ងៃទី២៥ ខែឆ្នាំដដែល លោកឪពុក អូលីវីយ៉េ អ្នកសម្របសម្រួល លោកគ្រូ អ្នកគ្រូ សិស្សានុសិស្ស វិទ្យាល័យសន្តហ្វ្រង់ស្វ័រ បានរៀបចំពិធីជប់លៀង ដើម្បីជូនពរ ការនិវត្តន៍ទៅមាតុប្រទេសវិញ របស់ លោកគ្រូ អ្នកគ្រូ និងសិស្សានុសិស្ស ទមោសចេក។
Article Source: Catholic Social Communications (C.S.C)
|
Print this page
News #457