|
សមិទ្ឋិផលថ្មីមជ្ឈមណ្ឌលវប្បធម៌កាតូលិកកំពត
Posted: 16th March 2007
ពិធីសម្ភោធនិងកាត់ខ្សែបូរ
|
កំពត(C.S.C)៖ អាគារដ៏ថ្មីស្រឡាងមួយបានបើកឲ្យប្រើប្រាស់ នាព្រឹកថ្ងៃទី១៥ ខែមីនា ឆ្នាំ២០០៧កន្លងទៅ នេះអាគារថ្មីដែលមានឈ្មោះថា "មជ្ឈមណ្ឌលវប្បធម៌កាតូលិកកំពត" ដែលមានទីតាំងស្ថិតនៅភូមិសុវណ្ណសា គរ ឃុំកំពង់កណ្ដាល ស្រុកកំពង់បាយ ខេត្តកំពត បានប្រារព្ឋពិធីសំភោធ ដែលមានការចូលរួមដ៏ខ្ពង់ខ្ពស់ពីឯក ឧត្តម សូត យា អភិបាលរងខេត្តកំពត លោកអភិបាលអេមីល ដេតម្ប លោកបូជាចារ្យអូលីវីយេ លោកបូជា ចារ្យ បងស្រី ប្រជាពលរដ្ឋ មាតាបិតាសិស្ស សិស្សានុសិស្ស ភ្ញៀវជាតិ និងអន្តរជាតិជាច្រើនរូបទៀត សរុប ប្រមាណជាជាង១០០នាក់។
បន្ទាប់ពីលោកអភិបាលអេមីល ដេតម្ប ធ្វើដំណើរបាចទឹកព្រះពរដល់ភ្ញៀវ និងបាចទៅតាមគ្រប់បន្ទប់នៃអា គារទាំងអស់រួចមក អង្គពិធីទាំងមូលក៏បានចាប់ផ្តើមដោយការគោរពភ្លេងជាតិនៃព្រះរាជាណាចក្រកម្ពុជា និង ការឡើងថ្លែងរបាយការណ៍ពីសំណាក់លោកនាយកសាលាពីសកម្មភាពរបស់មជ្ឈមណ្ឌលវប្បធម៌កាតូលិកកំ ពត។ ក្នុងឱកាសដ៏វិសេសវិសាលនោះដែរ លោកបូជាចារ្យអូលីវីយេអ្នកសំរបសំរួលមជ្ឈមណ្ឌលនេះបានឡើង មានប្រសាសន៍ទៅកាន់អង្គពិធីប្រកបដោយទឹកមុខសប្បាយរីករាយ។ លោកមានប្រសាសន៍ថា៖ "ថ្ងៃនេះ យើងបានសំភោធមជ្ឈមណ្ឌលវប្បធម៌កាតូលិកដែលជាមណ្ឌលមួយដើម្បីទទួលកុមារាកុមារី យុវជន-នារី ដែលចង់បន្ថែមនូវចំណេះដឹងជា ពិសេសភាសាអង់គ្លេស កុំព្យូទ័រ និងវប្បធម៌ទូទៅ។ល។មជ្ឈមណ្ឌលវប្បធម៌ កាតូលិកកំពតស្វាគមន៍បងប្អូនទាំងអស់ដោយមិនប្រកាន់វណ្ណះ ពូជសាសន៍ និងសាសនាឡើយ"។ លោកបន្តថា យើងដឹងថាកូនខ្មែរមានចំណង់រៀនច្រើនព្រោះចង់ចេះ ចង់ដឹង និងស្គាល់ ដែលនេះជាការល្អប្រសើរបំផុតដើម្បី ជួយឲ្យប្រទេសកម្ពុជាកាន់តែមានការរីកចំរើនខ្លាំងឡើងៗ។
ទោះបីជាហត់នឿយយ៉ាងណាក៏ដោយ លោកអភិបាលអេមីល ដេតម្ប អភិបាលប្រចាំភូមិភាគភ្នំពេញនៅតែ មានទឹកមុខញញឹមជានិច្ចក្នុងការឃើញនូវសមិទ្ឋិផលដ៏ត្រចេះត្រចង់នេះ។ លោកបានមានប្រសាសន៍ទៅកាន់ អង្គពិធីថាៈ"ខ្ញុំមានការរំភើបសប្បាយរីករាយបំផុតដែលបានចូលរួមក្នុងពិធីដ៏សោមនស្សនេះ ហើយខ្ញុំសូមអរ គុណដល់ម្ចាស់ជំនួយទាំងអស់ផង និងចងចាំជានិច្ចនូវកិច្ចសហប្រតិបត្តិការណ៍នេះ"។
ជាមួយនេះដែរលោកអភិបាលរងខេត្តកំពត លោកសូត យាបានឡើងមានមតិសំណេះសំណាលជាមួយភ្ញៀវ ក្នុងទិវានោះដោយភាពរីករាយដោយបានថ្លែងអំណរគុណ និងធ្វើការកោតសរសើរចំពោះសប្បុរសជនក្នុង និង ក្រៅប្រទេសទាំងអស់ដែលបានចំណាយទាំងសម្ភារៈ និងថវិកាផ្ទាល់ខ្លួនដើម្បីកសាងនូវអាគារសិក្សា និង បង្កើតជាមជ្ឈមណ្ឌលកាតូលិកកំពតនេះ។ ក្នុងនោះដែរ លោកក៏បានស្នើសុំឲ្យមជ្ឈមណ្ឌលនេះដើរតាមគោល ដៅរបស់រាជរដ្ឋាភិបាលដើម្បីធ្វើយ៉ាងណាឲ្យវិស័យអប់រំនៅប្រទេសកម្ពុជាមានការរីកចំរើនថែមមួយកំរិតទៀត។
យុវជនតូច ពឿនបានឲ្យដឹងដែរថា មជ្ឈមណ្ឌលនេះនឹងផ្តល់ជាអត្ថប្រយោជន៍ច្រើនទាំងសិស្សានុសិស្ស និងប្រ ជាពលរដ្ឋនៅក្នុងខេត្តកំពតនេះ ព្រោះមានសាលានៅជិត បានសាលាល្អ មិនតែប៉ុណ្ណោះនឹងធ្វើឲ្យមានការរីកចំ រើនដល់ខេត្តផងដែរ។
ឆ្លៀតពេលកំពុងនិយាយជាមួយសិស្សៗដែលបានមកក្នុងពិធីនេះ លោកគ្រូ ទួន សុធា អ្នកទទួលខុសត្រូវមជ្ឈ មណ្ឌលនេះបានងាកមកមានប្រសាសន៍ឲ្យដឹងពីគោលបំណងក្នុងការបង្កើតមណ្ឌលនេះថា គឺដើម្បីចូលរួមចំ ណែកលើកស្ទួយវិស័យវប្បធម៌ សិល្បះខ្មែរ និងជួយបណ្ដុះបណ្ដាលធនធានមនុស្សនៅប្រទេសកម្ពុជា។ លោក បន្ថែមទៀតថា សំរាប់ទិសដៅនៅពេលខាងមុខ យើងនឹងត្រៀមរៀបចំនូវសកម្មទាំងអស់របស់មជ្ឈមណ្ឌល ប្រយោជន៍ដើម្បីបំរើដល់បងប្អូនសិស្សានុសិស្ស និងមហាជនទូទៅក៏ដូចជាសង្គមជាតិទាំងមូលដោយមិនប្រ កាន់ពូជសាសន៍ ពណ៌សំបុរ ឬសាសនាអ្វីឡើយ សំខាន់គឺពួកយើងមានឱកាសចែករំលែកនូវបទពិសោធន៍ បង្កើនទំនាក់ទំនងល្អ និងសិក្សារៀនសូត្រដោយពេញចិត្ត និងប្រកបដោយបរិយាកាសរីករាយ។
គួរបញ្ជាក់ថា មជ្ឈមណ្ឌលវប្បធម៌កាតូលិកកំពតចាប់ផ្តើកកសាងឡើងនៅខែកុម្ភៈ ឆ្នាំ២០០៦ និងរួចរាល់នៅ ខែធ្នូ ឆ្នាំ២០០៦ ដែលជាអាគារមួយខ្នង កំពស់២ជាន់ ស្មើនឹង៩បន្ទប់ ដែលមានដូចជាបន្ទប់ការិយាល័យ បន្ទប់ ពិធីទឹកតែ បន្ទប់ធ្វើម្ហូប បន្ទប់សិក្សា ភាសាអង់គ្លេស បន្ទប់កុំព្យូទ័រ បណ្ណាល័យ និងបន្ទប់ស្តាប់ភាសា។ មជ្ឈ មណ្ឌលនេះចំណាយថវិកាអស់ចំនួន៨ម៉ឺនដុល្លារ ដែលទទួលបានជំនួយពីសប្បុរសជនជប៉ុន និងព្រះសហគមន៍ កាតូលិកកម្ពុជា។ ជាចុងបញ្ចប់នៃកម្មវិធី គណៈប្រតិភូទាំងអស់បានឡើងកាត់ខ្សែបូដាក់ឲ្យប្រើប្រាស់អាគារថ្មី នេះចាប់ពីពេលនោះផងដែរ។
Article Source: ការិយាលយ័ពត៌មានកាតូលិកកម្ពុជា
|
Print this page
News #430
