|
ខួបគំរប់ ៤៥០ឆ្នាំ នៃការប្រកាសដំណឹងល្អរបស់ព្រះជាម្ចាស់ក្នុងប្រទេសកម្ពុជា
Posted: 13th December 2006
|
ប្រព័ន្ឋផ្សព្វផ្សាយពត៌មានសហគមន៍ ដូនបុស្កូ នៅក្រុងព្រះសីហនុ
ដោយៈ រ៉ូដេស សំណាង "ស៊ីដីបី"
ថ្ងៃទី ០៥ ខែ ធ្នូ ឆ្នាំ ២០០៦
ខែធ្នូ គឺជាខែដ៏ពិសេសវិសាល ក្នុងការប្រារព្វខួប ៤៥០ឆ្នាំក្នុងប្រទេសកម្ពុជា សំរាប់ព្រះសហគមន៍កាតូលិក ក្នុងប្រទេសដែលកាន់ព្រះពុទ្ឋសាសនា។ក្នុងពិធីដ៏មានអត្ថន័យនេះ គ្រីស្តបរិស័ទមកពីភូមិភាគទាំងបី នៃប្រទេសកម្ពុជា បានចូលរួមយ៉ាងច្រើនកុះករនៅព្រះសហគមន៍ តាំង គោក ភាគខាងជើនៃទីរួមខេត្ត កំពង់ ធំ នៅក្នុងបុណ្យខួប ៤៥០ឆ្នាំនៃវត្តមានព្រះសហគមន៍ដែលបានប្រកាសដំណឹងល្អដល់ប្រជាពលរដ្ឋខ្មែរ។ លោក អគ្គរាជទូត តំណាងមកពីប្រទេសថៃ និង កម្ពុជា លោកអភិបាល Salvatore
Pennachio បានធ្វើជាអធិបតី នៅក្នុងពិធីអរព្រះគុណព្រះជាម្ចាស់ តាមរយៈព្រះយេស៊ូគ្រីស្ត ហើយក្នុងនោះក៏មានការចូលរួមពី លោកអភិបាល អេមីល ដេតម្ប អភិបាលព្រះសហគមន៍ភូមិភាគភ្នំពេញ លោកអភិបាល អង់តូនី អភិបាលព្រះសហគម៍កំពង់ចាម និង លោកអភិបាល គីកេ ហ្វីការេដូ អភិបាលព្រះសហគមន៍បាត់ដំបង ព្រមទាំង បូជាចារ្យ បុព្វជិត បុព្វជីតា និង
អស់អ្នកមានជំនឿជាង ២ ពាន់នាក់មកពីគ្រប់ទិសទីនៃប្រទេសកម្ពុជា។
មូលដ្ថានគ្រឺះគ្រីស្តសាសនា
តាមប្រពៃណីសាសនា យូដា គ្រីស្តសាសនា គឺជាកូនសោរនាំងអោយជួបពន្លឺនៃក្តីសង្បឹម។ ឆ្លងតាម ហេតុផលនេះហើយ ទើបព្រះសហគមន៍រំលឹកទ្បើងវិញពីអ្នកមានជំនឿជាង ៥០០០ នាក់ដែលបានទទូល និង បន្តជំនឿរបស់ខ្លូន ដោយការប្តេជ្ញាចិត្ត និង ការខិតខំអស់ពីកំលាំងកាយចិត្ត រហូតមានការកើនទ្បើង ជាលំដាប់ នៃអ្នកមានជំនឿក្នុងព្រះសហគមន៍កម្ពុជា។ ជាក់ស្តែង នៅពេលប្រទេស កម្ពុជា ធ្លាក់ក្នុងស្ថានភាពដ៏សែនអាប់អួរ ព្រះសហគមន៍បានដើរតួនាទីយ៉ាងសំខាន់ (Mark 13: 31) ជាគ្រាប់ពូជ ក្នុងការសាបព្រោះ និង ផ្តល់ក្តីសង្បឹមដល់ប្រជារាស្ត្រខ្មែរ ។ ចាប់តាំងពីលោកបូជាចារ្យ ហ្គាស្ពា ដាគ្រូស បានស្នាក់នៅក្នុងក្រុង លង្វែក រហូតដល់បុណ្យខួបគំរប់ ៤៥០ ឆ្នាំ នៃវត្តមានព្រះសហគមន៍កាតូលិក នៅព្រះសហគមន៍ តាំង គោក នាថ្ងៃទី ៣ ខែធ្នូ ឆ្នាំ ២០០៦ បានធ្វើអោយកិត្តិនាមរបស់ព្រះសហគមន៍កាតូលិកក្នុងប្រទេសកម្ពុជា មានភាពអោនលំទោន ទន់ភ្លន់ វីរៈភាព ការខិតខំព្យាយាម និង ជាពន្លឺនៃក្តីសង្បឹមដល់គ្រីស្តបរិស័ទយ៉ាងបរិសុទ្ឋ។
ការប្រកាសដំណឺងល្អដល់មនុស្សជាតិ
សារៈសំខាន់នៃការប្រកាសដំណឹងល្អ គឺដើម្បីរំលឹកប្រជាជនកម្ពុជាដែលកាន់សាសនាកាតូលិកដឹងថា មានការចូលរួមយ៉ាងសកម្មពីក្រុម បូជាចារ្យ អ្នកមានជំនឿ និង អ្នកស្មាក់ចិត្តជាច្រើន មកពីព្រះសហគមន៍ក្រៅ ប្រទេស ដែលបានចែករំលែកបទពិសោធន៍នៃជំនឿរបស់គេជាមួយប្រជាជនខ្មែរ ហើយនឹងជំនឿនៃការទទួលអគ្គ សញ្ញាជ្រមុជទឹករបស់គេ។ ជាពិសេស ពួកគេ គឺជាសាក្សីដ៏សំខាន់ក្នុងការបង្ហាញពីព្រះហប្ញទ័យប្រណីសណ្ដោះរបស់ ព្រះជាម្ចាស់ ។ សក្ខីភាពនេះបញ្ចាក់ថា ព្រះសហគមន៍នៅជុំវិញពិភពលោកមានការរួបរួមសាម្គីគ្នាជាខ្លាំងសាររបស់គ្រីស្តសាសនាពុំមានដែនកំណត់ និង ពុំមានការបែងចែកជាតិសាសន៍ ភាសា ប្ញក៏វប្បធម៌អ្វីទ្បីយ។ អស់អ្នកដែលមានជំនឿយ៉ាងមុតមាំមកពីគ្រប់ទ្វីបទាំងប្រាំអាចស្វែងរកឃើញកិច្ចការនៅក្នុងប្រទេសកម្ពុជាដោយពុំ ចាំបាច់ចំនាយអ្វីទ្បើយ (Mt 10, 8b)។ ពួកគេរួមគ្នាក្នុងព្រះសហគមន៍ អង្គការក្រៅរដ្ឋាភិបាលតំណាង ព្រះសហគមន៍កាតូលិក និង ក្រសួងដែលមានការយកចិត្តទុកដាក់ពិសេវាកម្មមានដូចជាៈ ការសិក្សាអប់រំ សុខមាភាព និង ផ្នែកដទៃទៀត ជានេះទៀត គឹការឆ្លើយនូវសំនួររបស់គ្រីស្តបរិស័ទពីសេចក្តីស្រលាញ់ មេត្តា ករុណា និង ការអាណិតអាសូររបស់ព្រះជាម្ចាស់នៅគ្រប់ទិកន្លែង។
ុអង្គការ ដុនបូស្កូ ក្នុងនាមព្រះសហគមន៍កាតូលិកក្នុងប្រទេសកម្ពុជា
ក្រុមគ្រូសារ Salesian ត្រួវបានរកឃើញដោយ Saint John Bosco នៅចុងសតវត្សន៍ទី ១៩ ស្ថិតក្នុង ស្ថានភាពមួយដ៏សែនពិបាកសំរាប់ព្រះសហគមន៍កាតូលិកក្នុងប្រទេសកម្ពុជា(សង្គ្រាមស៊ីវិលដែលបានបំផ្លាញ់ព្រះសហគមន៍កាតូលិក)
ក្រុមគ្រួសារនេះបានមកដល់ប្រទេសកម្ពុជាក្នុងឆ្នាំ ១៩៩១ បន្ទាប់ពីសង្គ្រាមត្រូវបានបញ្ចប់ទៅ។ នៅមុនពេលនេះ សមាជិកក្រុមគ្រួសារ Salesian ខ្លះដែលមកពីជំរុំជនភៀសខ្លួនខ្មែរនៅប្រទេសថៃ បានបង្ហាញ និង ផ្តល់នូវបច្ចេកទេសអប់រំ ដល់ក្មេងៗ និង បានស្វែងយល់ពីវប្បធម៌ជនជាតិខ្មែរទៀតផង។ ដោយភាពស្មោះត្រង់ ពីធម្មជាតិ និង ទស្សនៈរបស់ប្រជាជនខ្មែរនេះ គឺជាសញ្ញាសំគាល់ព្រះសហគមន៍ និងជាអ្នកពាំនាំសេចក្តីស្រលាញ់ របស់ព្រះជាម្ចាស់សំរាប់មនុស្សក្មេងអោយបានដឹងជាពិសេសចំពោះជនក្រីក្រ (ជាគោលការណ៍ទី ២) ។ ក្រុមគ្រូសារ Salesian ក្នុងនាមជា គ្រួសារបូជាចារ្យ បងប្រុស បងស្រី អ្នករួបរូមកំលាំងគ្នា អ្នកឧបត្ថម្ភគាំទ្រ និង អ្នកស្មាក់ចិត្តជួយព្រះសហគមន៍ បានចូលរួមធ្វើការដើម្បីផ្តល់ឱកាសក្មេងប្រុស ក្មេងស្រីទទួលបានជំនាញតាមរយៈ ការរៀនសូត្រ ដើម្បីឆ្លើយតបទៅនឹងតំរូវការ និងការប្រកួតប្រជែននៅក្នុងសង្គមកម្ពុជានាពេលបច្ចុប្បន្ននេះ។ ការផ្តល់សេវាបែបនេះ ហើយក្នុងនាមជាផ្នែកមួយដ៏សំខាន់សំរាប់សកម្មភាពព្រះសហគមន៍កាតូលិកនោះ អង្គការ ដូនបូស្កូ កម្ពុជា មានការចាប់អារម្មណ៍យ៉ាងខ្លាំងចំពោះរចនាសម្ព័ន្ឋព្រះសហគមន៍ក្នុងប្រទេសកម្ពុជា ដែលមាន ៦ ខ័ណ្ឌនៃគោលការណ៍ Salesian ថា ព្រះជាម្ចាស់ត្រាស់ហៅ អោយយើងនៅក្នុងព្រះហប្ញទ័យរបស់ព្រះអង្គ និង បានផ្តល់នូវអ្វីៗគ្រប់យ៉ាងចំពោះបេសកកម្មនេះ។
ដោយសារហេតុផលទាំងនេះហើយ ទើបធ្វើអោយពិធីបុណ្យខួបគំរប់ ៤៥០ ឆ្នាំនៃព្រះសហគមន៍កាតូលិកនៅក្នុង ប្រទេសកម្ពុជា គឺជាថ្ងៃដ៏វិសេសវិសាល សំរាប់ក្រុមគ្រួសារ Salesian ក្នុងប្រទេសកម្ពុជា និងមានតំលៃខ្ពស់ សំរាប់សូមអោយ Saint John Bosco, Saint Mary Mazzarello និង អស់ជនដ៏វិសុទ្ឋដែលមកពីក្រុមគ្រួសារ Salesan ជួយអង្វរ និង សុំលើកលែងទោសអោយព្រះសហគមន៍កាតូលិកនៅក្នុងប្រទេសកម្ពុជា សំរាប់ អ្នកគង្វាល បូជាចារ្យ អស់អ្នកមានជំនឿ និង ជាពិសេសសំរាប់យុវជនកម្ពុជា ជាក្តីសង្បឹមរបស់ប្រទេសជាតិ និង ព្រះសហគមន៍របស់ពួកគេ។
Article Source: Social Communication Don Bosco Sihanoukville
|
Print this page
News #373