|
សន្និបាត កណ្ដាលស្រុកស្រែ
Posted: 11th October 2006
ការសំដែងល្ខោនចូលរួមសនិបាត
|
ចំការទៀង (C.S.C) កាលពីថ្ងៃទី ២៣-២៤ កញ្ញា កន្លងទៅថ្មីៗនេះ ព្រះសហគមន៍ចំការទៀង ខេត្តតាកែវ មានលោកបូជាចារ្យអូលី វីយេ និងលោកបូជាចារ្យ លី ពីព្រះសហគមន៍ជុំគីរី ខេត្តកំពត បានរៀបចំប្រជុំសន្និបាតក្រោមប្រធានបទ "អបអរសា ទរខួប៤៥០ឆ្នាំនៃព្រះសហគមន៍កាតូលិកកម្ពុជា"។
លោកអូលីវីយេបានថ្លែងបើកអង្គសន្និបាតនាពេលនោះថាៈ "នេះជាលើកទីមួយដែលព្រះសហគមន៍បានរៀបចំសន្និ បាតនៅកណ្ដាលស្រុកស្រែ ដើម្បីឲ្យគេស្គាល់ពីប្រវត្តិព្រះសហគមន៍សកល និងព្រះសហគមន៍នៅប្រទេសកម្ពុជា"។ ក្នុងអង្គ សន្និបាតនោះក៏មានការចូលរួមពីយុវជនចំនួន ៣០២នាក់ ដែលមកពីព្រះសហគមន៍ ជុំគីរី គីរីវង្ស ព្រៃប្រោះ ទ្រពាំងល្ពៅ និងព្រះសហគមន៍ចំការទៀង។
ក្នុងពេលសំរាកញ៉ាំនំ បន្ទាប់ពីលោកគ្រូ វង្ស បានពន្យល់ពីកំណើតព្រះសហគមន៍ក្នុងប្រទេសកម្ពុជា យុវជន សៅ សុវណ្ណ មកពីព្រះសហគមន៍គីរីវង្ស បាននិយាយថា "នេះជាលើកទីពីរ បន្ទាប់ពីការចូលរួមសន្និបាតនៅព្រះវិហារផ្សារតូច ប៉ុន្តែនៅលើកនេះខ្ញុំមានការយល់កាន់តែច្បាស់អំពីប្រវត្តិព្រះសហគមន៍នៅស្រុកខ្មែរដោយមានសំដែងជាឈុតល្ខោនបង្ហាញ ពីប្រវត្តិព្រះសហគមន៍កម្ពុជាដំបូង។ ចំណែក ណុប ចន្ថា ពីព្រះសហគមន៍ចំការទៀងបានបញ្ជាក់បន្ថែមថាៈ ក្នុងល្ខោនដែល បានបង្ហាញនេះ គ្រឺស្តបរិស័ទនៅជំនាន់នោះមានការតស៊ូខ្លាំងណាស់ ដែលពួកគេមានការគេចចេញពីរដ្ឋអំណាចរបស់ពួកគេ ភៀសខ្លួនមកតាំងលំនៅនៅកម្ពុជាហើយបានប្រកាសនូវដំណឹងល្អរបស់ព្រះជាម្ចាស់នោះ លោកបានបញ្ជាក់ផងដែរថាៈ "ខ្ញុំមិនដែលបានដឹងទាល់តែសោះ អំពីប្រវត្តិព្រះសហគមន៍នៅកម្ពុជា នេះជាលើកទីមូយហើយដែលខ្ញុំបានចូលរួមសន្និបាត នេះ"។
Article Source: ការិយាល័យផ្សព្វផ្សាយព័ត៌មានព្រះសហគមន៍កាតូលិក កម្ពុជា
|
Print this page
News #326