|
វ៉ាទីកង់ សារលិខិតផ្ញើជូនពុទ្ធបរិស័ទក្នុងឱកាសបុណ្យពិសាខបូជា ២០០៦
Posted: 11th May 2006
|
ក្រុមប្រឹក្សា សម្តេចប៉ាប ដើម្បីកិច្ចសន្ទនាអន្តរសាសនា
លោកអគ្គអភិបាល មីកាអែល ហ្វីត សេរ៉ាល
H.E. Mgr. Michael L. Fitzgerald
ប្រធាន
ពុទ្ឋបរិស័ទ និង គ្រីស្តបរិស័ទ ដើម្បីបម្រើមនុស្សជាតិ
សារលិខិតផ្ញើជូនពុទ្ឋបរិស័ទក្នុងឱកាសបុណ្យពិសាខបូជា ២០០៦
បុរីវ៉ាទីកង់
បងប្អូនពុទ្ឋបរិស័ទទាំងអស់ជាទីស្រឡាញ់ !
១. ក្នុងនាម ក្រុមប្រឹក្សាសម្តេចប៉ាប ដើម្បីកិច្ចសន្ទនាអន្តរសាសនា ខ្ញុំសូមប្រសិទ្ឋពរសព្ទសាធុការមហាប្រសើរ ចំពោះបងប្អូន និង សហគមន៍ពុទ្ឋបរិស័ទទាំងអស់នៅទូទាំងពិភពលោក នាឱកាសបុណ្យពិសាខបូជាក្នុងឆ្នាំនេះ។ ខ្ញុំសង្ឃឹមថាបងប្អូននឹងមានអំណរសប្បាយក្នុងពិធីបុណ្យនេះ ។
២. ជាប្រពៃណីរហូតមកដល់បច្ចុប្បន្ន ខ្ញុំសូមឆ្លៀតឱកាសនេះ ដើម្បីចែករំលែកនូវទស្សនៈខ្លះៗជាមួយបង ប្អូនដែលអាចជួយពង្រឹងទំនាក់ទំនងរវាងសហគមន៍យើងទាំងពីរ។ ប្រធានបទដែលលើកយកមករិៈគិតនៅក្នុងឆ្នាំនេះ គឺផ្អែកទៅលើសារលិខិតលើកទីមួយរបស់សម្តេចប៉ាបបេណេឌីកតូទី ១៦ ដែលបានផ្ញើជូន គ្រីស្តបរិស័ទកាតូលិកនៅទូទាំងពិភពលោកមានចំណងជើងថា ព្រះជាម្ចាស់ជាសេចក្តីស្រឡាញ់ ឬ យោងតាមភាសាឡាតាំង មានចំណងជើងថា Deus caritas est (DCE) ដោយធ្វើការត្រួតពិនិត្យទៅ លើសភាវៈនៃសេចក្តីស្រឡាញ់។ ជាញឹកញាប់ គេបានយកពាក្យ សេចក្តីស្រឡាញ់ យកមកប្រើប្រាស់់ ហើយជាញយៗ គេបានភ័ន្តច្រឡំអត្ថន័យនៃពាក្យនេះ ហេតុដូចនេះហើយ សម្តេចប៉ាបមានព្រះហឫទ័យ ចង់ធ្វើអោយប្រាកដប្រជាថាពាក្យនេះត្រូវតែស្ថាបនាអត្ថន័យពិតរបស់វាអោយមានលក្ខណៈប្រសើរឡើងវិញ ដើម្បីអោយក្លាយទៅជាប្រទីបបំភ្លឺផ្លូវចំពោះដំណើរជីវិតរស់នៅប្រចាំថ្ងៃ។
៣. សម្តេចប៉ាបបេណេឌីកតូ មានព្រះបន្ទូលអំពីសេចក្តីស្រឡាញ់ទាំងពីរប្រភេទគឺ ទីមួយសេចក្តីស្រឡាញ់ eros ជាសេចក្តីស្រឡាញ់រវាងបុរសម្នាក់ និងនារីម្នាក់ ជាសេចក្តីស្រឡាញ់មួយដែលស្វែងរកសេចក្តី សោមនស្សផ្ទាល់ខ្លួន។ រីឯសេចក្តីស្រឡាញ់ agapeជាសេចក្តីស្រឡាញ់ដែលស្វែងរកប្រយោជន៍ ចំពោះអ្នកដទៃ ទោះបីជាអ្នកនោះមិនត្រូវបានគេចូលចិត្ត ឬគេមិនធ្លាប់ស្គាល់ក៏ដោយ។ ចំពោះគ្រីស្ត បរិស័ទប្រភេទនៃសេចក្តីស្រឡាញ់នេះ គឺអាចកើតមានឡើងបានក្នុងមធ្យោបាយតែមួយគត់ ប្រសិនបើ សេចក្តីស្រឡាញ់នេះ មានមូលដ្ឋានស្ថិតស្ថេរមាំទាំនៅក្នុងសេចក្តីស្រឡាញ់ចំពោះព្រះជាម្ចាស់ ដើម្បីឆ្លើយតបទៅនឹងសេចក្តីស្រឡាញ់របស់ព្រះជាម្ចាស់ចំពោះមនុស្សជាតិ ។ ដូច្នេះសេចក្តីរបស់ព្រះជាម្ចាស់ និងសេចក្តីស្រឡាញ់ចំពោះមនុស្សជាតិផងគ្នា គឺមិនអាចបំបែកចេញពីគ្នាបានឡើយ ហើយសេចក្តីស្រឡាញ់ ទាំងពីរនេះមានទ្រង់ទ្រាយជាវិន័យរួមតែមួយ ។ "សេចក្តីស្រឡាញ់ ចម្រើនលូតលាស់តាមរយៈសេចក្តី ស្រឡាញ់ ។ សេចក្តីស្រឡាញ់មានលក្ខណៈដូចព្រះជាម្ចាស់ ពីព្រោះសេចក្តីស្រឡាញ់មកពីព្រះជាម្ចាស់ និងរួបរួមយើងជាធ្លុងតែមួយជាមួយព្រះអង្គ" (DCE 18)។
៤. យើងជាគ្រីស្តបរិស័ទមានជំនឿថា ព្រះយេស៊ូគ្រីស្ត ជាព្រះបុត្រាព្រះជាម្ចាស់ ដែលបានចាប់កំណើតជាមនុស្សបានលះបង់ព្រះជន្មទាំងស្រុងរបស់ព្រះអង្គ ដើម្បីធ្វើការផ្សព្វផ្សាយដំណឹងល្អនៃសេចក្តីស្រឡាញ់របស់ព្រះជាម្ចាស់ ដោយរួមទាំងព្រះបន្ទូល និងព្រះរាជសកម្មភាព គឺព្រះអង្គបាន សម្តែងនូវសេចក្តីស្រឡាញ់ agape យ៉ាងសុក្រិតបំផុត។ ការសម្តែងនូវសេចក្តីស្រឡាញ់នេះជាចុងក្រោយបង្អស់ គឺ នៅពេលដែលព្រះយេស៊ូបានប្រទានព្រះជន្មរបស់ព្រះអង្គសម្រាប់មនុស្សជាតិទាំងមូល។ លើសពីនេះទៅ ទៀត ព្រះយេស៊ូជាប្រភពនៃសេចក្តីស្រឡាញ់ agape ជាពិសេសនៅពេល ព្រះអង្គបូជាព្រះជន្មក្នុង ពិធីអភិបូជា។ ដោយទាញចេញពីប្រភពនេះ គ្រីស្តបរិស័ទត្រូវតែខិតខំប្រណិបតន៍តាមតម្រាប់របស់ព្រះយេស៊ូ តាមរយៈការបង្ហាញសេចក្តីស្រឡាញ់ចំពោះបងប្អូនរបស់ខ្លួន ជាពិសេសចំពោះជនក្រីក្រ និងជនដែលទទួលរងសេចក្តីទុក្ខលំបាកវេទនា។
៥. តាមរយៈកិច្ចសន្ទនារបស់យើង យើងសូមធ្វើការចាប់អារម្មណ៍ចំពោះបងប្អូនពុទ្ឋបរិស័ទដែលបានយកចិត្ត ទុកដាក់អំពីសេចក្តីស្រឡាញ់ចំពោះមនុស្សជាតិផងគ្នា ដែលបានសម្តែងចេញ ក្នុងទស្សនទាននៃពាក្យ មេត្តា ជាសេចក្តីស្រឡាញ់មួួយពុំមានប្រាថ្នាចង់រកប្រយោជន៍ ប៉ុន្តែប្រាថ្នាចង់ជួយអ្នកដទៃតែប៉ុណ្ណោះ។ យើងត្រូវយល់ថា សេចក្តីស្រឡាញ់នេះ គឺជាឆន្ទះក្នុងការបូជាផលប្រយោជន៍ផ្ទាល់ខ្លួន ដើម្បីផ្តល់ផល ប្រយោជន៍ដល់មនុស្សជាតិ។ ដូច្នេះ យោងទៅតាមសេចក្តីបង្រៀនរបស់ពុទ្ឋបរិស័ទ ពាក្យមេត្តាមិនមែនរឹតត្បិតគំនិតប្រកបទៅដោយចិត្តអាណិតអាសូរតែប៉ុណ្ណោះ ប៉ុន្តែបន្តពង្រីកនូវការប្រតិបត្តិនៃអំពើប្រកបទៅដោយចិត្តសប្បុរសយ៉ាងក្រៃលែង ដើម្បីបម្រើ មនុស្សម្នាក់ៗ ព្រមទាំងមនុស្សទាំងអស់គ្នា។ ជាការពិត ធម៌មេត្តា ជាគុណធម៌ដែលមនុស្សលោកទទួលស្គាល់ជាសកល ។ គុណធម៌មួយ ផ្សេងទៀត ដែលមិនត្រូវបំភ្លេចចោល គឺករុណា តាមរយៈគុណធម៌ ករុណានេះ បានបង្ហាញនូវសេចក្តីស្រឡាញ់ ប្រកបទៅដោយសេចក្តីអាណិតអាសូរចំពោះជីវិតសត្វលោកផងទាំងពួង។
៦. នៅក្នុងពាក្យសេចក្តីស្រឡាញ់នេះជារឿយៗគេបានលើកយកមកប្រើប្រាស់ និងប្រើប្រាស់ដោយភ័ន្តច្រឡំតើវាមានអត្ថប្រយោជន៍ចំពោះគ្រីស្តបរិស័ទ និងពុទ្ឋបរិស័ទក្នុងការរុករកឡើងវិញនូវអត្ថន័យដើមរបស់ពាក្យនេះ ស្របទៅតាមប្រពៃណីទំនៀមទម្លាប់រៀងៗខ្លួនរបស់ពួកគេ និងដើម្បីចែករំលែកការយល់ដឹងរបស់ពួកគេជាមួយនឹងអ្នកដទៃដែរឬទេ? នេះត្រូវតែលើកទឹកចិត្តចំពោះសាសនិកនៃប្រពៃណីទាំងពីរ ដើម្បីធ្វើការរួមគ្នាក្នុងការកសាងទំនាក់ទំនងដែលផ្អែកទៅលើសេចក្តីស្រឡាញ់ និង សេចក្តីពិត ដើម្បីលើកស្ទួយការគោរពគ្នាទៅវិញទៅមក និងដើម្បីលើកកម្ពស់កិច្ចសន្ទនា និងបន្តធ្វើកិច្ចសហប្រតិបត្តិការនៅក្នុង ការបម្រើអស់អ្នកដែលទទួលរងនូវសេចក្តីខ្វះខាត។
៧. តាមរយៈការត្រិៈរិៈពិចារណាទាំងអស់នេះ នាំអោយរូបខ្ញុំសូមបួងសួងជាចុងក្រោយ សូមអោយថ្ងៃបុណ្យ វិសាខបូជាធ្វើអោយមិត្តភាពរវាងគ្រីស្តបរិស័ទ និងពុទ្ឋបរិស័ទក្លាយទៅជាសាមគ្គីភាព និងសូមអោយកិច្ចសហប្រតិបត្តិការក្នុងស្មារតីនៃសេចក្តី ស្រឡាញ់ agape និងមេត្តា មានភាពរឹងមាំ។ នៅក្នុងស្មារតីទាំងនេះដែរ ខ្ញុំសូមជូនពរអោយបងប្អូន មានអំណរសប្បាយយ៉ាងក្រៃលែងនៅក្នុងថ្ងៃ បុណ្យវិសាខបូជានេះ ។
លោកអគ្គអភិបាល មីកាអែល ហ្វីត សេរ៉ាល
Michael L. Fitzgerald
ប្រធានក្រុមប្រឹក្សា សម្តេចប៉ាប
ដើម្បីកិច្ចសន្ទនា អន្តរសាសនា
ថ្ងៃទី ១៤ ខែ កម្ភៈ ឆ្នាំ ២០០៦
Article Source: ទេវវិទ្យាល័យភ្នំពេញ កម្ពុជា
|
Print this page
News #286