|
កម្ពុជា បុណ្យព្រះយេស៊ូប្រសូតសម្រាប់លោកអភិបាលអេមីលនៅថ្ងៃនេះ!
Posted: 21st December 2005
លោកអភិបាល អេមីល ដេតម្យ
|
ភ្នំពេញ(C.S.C)៖ នៅប្រទេសកម្ពុជា ប្រជាជនតែងនិយាយថា បុណ្យព្រះយេស៊ូប្រសូត ជាបុណ្យដ៏រុងរឿង និងឧឡារិករបស់គ្រីស្តវបរិស័ទ គឺដូចបុណ្យពិសាខបូជា ជាបុណ្យដ៏ប្រសើរឧត្តុង្គឧត្តមរបស់បងប្អូនពុទ្ឋបរិស័ទដែរ។ រូបភាពដែលគេស្គាល់ច្បាស់ជាងគេ គឺរូបក្រោលសត្វពាហនៈ និងមានព្រះកុមារយេស៊ូដេកនៅក្នុងស្នូកដាក់ចំណី ហើយមាននាងម៉ារីជាម្តាយ និងលោកយ៉ូសែប ជាឪពុកនៅក្បែរព្រះកុមារយេស៊ូ។ មានអ្នកឃ្វាលចៀម និងប្រជាជនក្រីក្រ នាសម័យនោះនៅជិតឪពុក-ម្តាយព្រះយេស៊ូ ពួកគេនាំយកតង្វាយមកថ្វាយព្រះកុមារ ដូចជាផែ្លឈើ ដែលគេបានដាំដុះ គឺជាប្រជាជនក្រីក្រ ដែលយកអ្វីដែលគេមានមកថ្វាយព្រះកុមារ។
ទាំងអស់គ្នាគយគន់ទស្សនិយភាពនេះ យ៉ាងយកចិត្តទុកដាក់ និងសើ្ងចសរសើរ។ នៅក្នុងការស្ងើចសរសើរ នោះប្រហែលជាគេសមែ្តងចិត្តអាណិតអាសូរចំពោះទារកដែលទើបនឹងប្រសូតមកដេកនៅក្នុងស្នូកចំណីសត្វ ហើយឪពុកម្តាយដែលនៅជិតទារកនោះមានសម្លៀកបំពាក់តែមួយសម្រាប់គត់។
សំរាប់គ្រីស្តបរិស័ទវិញ ទស្សនិយភាពនេះគឺ ជាព្រឹតិ្តការណ៍ដ៏អស្ចារ្យនៃជំនឿរបស់គេ ជាព្រឹតិ្តការណ៍ នៃសេចកី្តស្រឡាញ់ដ៏លើសលប់របស់ព្រះជាម្ចាស់៖ "ព្រះជាម្ចាស់យកកំណើតជាមនុស្ស ដើម្បីឲ្យមនុស្សទៅជាព្រះម្ចាស់" នេះជាឃ្លារបស់លោកអភិបាលម្នាក់ បានសរសេរតាំងពីច្រើនសតវត្សរ៍មកហើយ។
បុណ្យព្រះយេស៊ូប្រសូត មិនមែនជាបុណ្យកន្លងផុតទៅនោះទេ ពីព្រោះព្រះយេស៊ូប្រសូត នៅថ្ងៃនេះ និងកនែ្លងនេះ។ ចំពោះអស់អ្នកដែលទទួលស្គាល់ថាព្រះអម្ចាស់គង់នេះក្នុងចំណោមបងប្អូនដែលកំពុងរស់នៅជុំវិញគេនោះ គេក៏ទទួលស្គាល់ថាបុណ្យព្រះយេស៊ូប្រសូតបានប្រារព្ឋធ្វើជារៀងរាល់ថ្ងៃដែរ ហើយគ្រប់ពេលវេលា ព្រះភ័ក្រព្រះយេស៊ូជួនស្រស់ថា ជួនឈឺចាប់ខ្លោចផ្សា។ ព្រះអង្គបង្រួបបង្រួមមនុស្សលោក ជាបងប្អូនគ្នានឹងគ្នា ពិសេសអស់អ្នកក្រីក្រកំសត់ទុគ៌ត និងអស់អ្នកដែលត្រូវគេបោះបង់ចោលមិនរាប់រក។
សូមជូនពរ អំណររីករាយបុណ្យព្រះយេសូប្រសូត។
Article Source: ការិយាល័យផ្សព្វផ្សាយព័ត៌មានកាតូលិក កម្ពុជា
|
Print this page
News #262