|
ការីតាស អាស៊ីរាយការណ៍ពីការសន្យាផ្តល់ប្រាក់៣០លានដូល្លារអាមេរិក
Posted: 7th January 2005
|
បាងកក (UCAN) : អង្គការការីតាសអាស៊ី បានទទួលនូវការសន្យាផ្តល់ប្រាក់ចំនួនជាង ៣០លានដូល្លារអាមេរិក ដើម្បីធ្វើការសង្រ្គោះមហន្តរាយនៃការរញ្ជួយផែនដី និងរលកយក្ស ស៊ូណាមីហើយបន្តបង្កើនមូលនិធិ និងជួយព្រះវិហារតាមតំបន់នានា ដើម្បីឆ្លើយតបទៅនឹងវិបត្តិមហន្តរាយដ៏ធ្ងន់ធ្ងរនៅតាមបណ្តាប្រទេសអាស៊ីទាំងនេះ។
យោងតាមលោកឪពុក Yvon Ambroise នាយកប្រតិបត្តនៃអង្គការ ការីតាសអាស៊ីបានអោយដឹងថាលោកឪពុក Kevin Hartigan នាយកសេវាកម្ម សង្រ្គោះរបស់អង្គការ កាតូលិកប្រចាំអាស៊ីខាងត្បូងបានមានប្រសាសន៍ប្រាប់គាត់ថាភ្នាក់ងារអភិវឌ្ឍន៍ និងសង្គមរបស់លោក អភិបាលសហរដ្ឋអាមេរិកបានសន្យាផ្តល់ប្រាក់ចំនួន ២៥លាន ដូល្លារអាមេរិក។
លោកឪពុក Ambroise បានមានប្រសាសន៍ថា អង្គការ តារីតាសអន្តជាតិបានសន្យាផ្តល់ប្រាក់ជិត ៧លានដុល្លា ពីដៃគូអង្គការការីតាសផ្សេងទៀត ទៅទ្វីបអ៊ីរ៉ុប និងទីកន្លែងផ្សេ ងៗទៀត។ បណ្តាញការងារអង្គការ ការីតាស បានបែងចែកជា ១៦២ ភ្នាក់ងារ បានទទួលអណិត្តបំពេញការងារដោយ ព្រះសហគមន៍នានាគ្រប់លំដាប់ថ្នាក់នៅ ទូទាំងពិភពលោក។
Father Phibul Visitnonthachai director of the Thai bishops Office for Emergency Relief and Refugees |
ដោយបាននិយាយទៅកាន់ UCANEWS កាលពីថ្ងៃទី ៣មករា នៅទីក្រុងបាងកក លោកបូជាចារ្យឥណ្ឌាបានមានប្រសាសន៍ថា ការិយាល័យ របស់គាត់បានជួយព្រះវិហារថ្នាក់តំបន់នៅក្នុងប្រទេស ឥណ្ឌូណេស៊ី ស្រីលង្កា ឥណ្ឌា និងប្រទេសថៃ និងបង្កើនមូនិធិ ដើម្បីអោយ ប្រទេសទាំងនេះអាចឆ្នើយតបទៅនឹងវិធានការណ៍សង្រ្គោះទាន់ពេលវេលាសមស្របក្រោយពីព្រឹត្តការណ៍រញ្ជួយផែនដី និងព្យុះរលកយក្ស ស៊ូណាមី ដែលបានកើតឡើងកាលពីខែ ធ្នូ ឆ្នាំ២០០៤ កន្លងទៅនេះ។ សាកសពជនរងគ្រោះជាង ១៤០ ០០០នាក់ ត្រូវបានគេអះអាងនៅថ្ងៃទី៤ មករាដែលត្រូវបានគេលើកឡើងនៅប្រទេសទាំងបួន។ ជនរងគ្រោះរាប់សិបពាន់នាក់បានបាត់ខ្លួននៅឡើយ និងរាប់លាននាក់ផ្សេងទៀតបានបាត់បង់ ទីជំរក។ ជនរងគ្រោះដល់ជីវិតត្រូវបានគេរាយការណ៍ថាបានស្លាប់ទៅក្នុងបណ្តាប្រទេសទាំង ១១រាប់ពី មាឡាស៊ីរហូតដល់ អាហ្រ្វិកភាគខាងកើត។
លោកឪពុក Ambroise បានទៅប្រទេសស្រីលង្កាកាលពីថ្ងៃទី ៣០ ដល់ ៣១ ខែធ្នូ ដើម្បីវាយតំលៃតំរូវការរបស់អង្គការ ការីតាស ស្រីលង្កា ។ គាត់បានមានប្រសាសន៍ថា គាត់នឹងស្ថិតនៅក្នុងប្រទេសថៃ រហូតដល់ថ្ងៃទី ៦ មករា ដើម្បីពិភាក្សាជាមួយលោកឪពុក Phibul Visitnon thachai នាយកការិយាល័យលោកអភិបាលថៃដើម្បីទៅសង្រ្គោះបន្ទាន់ និងជនភៀសខ្លួន ពីរបៀបថាតើ អង្គការ ការីតាស អាស៊ីអាចនឹងជួយព្រះវិហារតាមតំបន់យ៉ាងដូចម្តេច។
Thai Bishop Lawrence Thienchai Samanchit of Chanthaburi president of Caritas Asia |
រូបគាត់ និងលោកអភិបាលថៃ Lawrence Thienchai Samanchit នៃ ខេត្ត Chan thaburi នាយក អង្គការការីតាសអាស៊ីបានចាកចេញនៅថ្ងៃនោះទៅទីក្រុង ចាការតា ដើម្បីទៅជួបជាមួយមន្រ្តី សន្និសិទ អភិបាលឥណ្ឌូណេស៊ីនិង Apostolic Nuncio នៅអមលោក អគ្គអភិបាលឥណ្ឌូណេស៊ី Malcolm Ranjith ។
មន្រ្តីអង្គការ ការីតាសអាស៊ី បានអធិប្បាយថា ព្រះវិហារនៅក្នុងប្រទេសដែលទទួលរងការវាយប្រហារ យ៉ាងធ្ងន់ធ្ងរទាំងបួនប្រទេស បានទទួលការសង្រ្គោះយ៉ាងច្រើនពីមហន្តរាយសោដនាដកម្មនេះ ចាប់តាំងពីដើមដំបូងមកម្ល៉េះ។
ស្របពេលជាមួយគ្នានេះដែរ សម្តេចប៉ាបយូហានប៉ូលទី២ បានបន្តអធិដ្ឋាន ដោយផ្តោតយកចិត្តទុកដាក់ដល់អ្នករស់រានមានជីវិត ហើយជនរងគ្រោះដោយសារមហន្តរាយ នៅតំបន់មហាសាគរឥណ្ឌា។
នៅពាក់កណ្តាលថ្ងៃទី២ មករា នៅឯ Angelus មុនពេលអ្នកធម្មយាត្រារាប់ពាន់នាក់ នៅព្រះវិហារសន្ត ភីតធី ក្នុងបុរីវាទីកង់ សម្តេច ប៉ាបបានលើកឡើងថា ទោះបីជាសោដនាដកម្មនេះ និងសោដកម្មដ៏ទៃទៀតព្រះជាម្ចាស់មិនដែល បោះបង់ប្រជាជនរបស់ព្រះអង្គឡើយ។ សម្តចបានអះអាងថា៖"ជំនឿបង្រៀនយើងថា ព្រះជាម្ចាស់មិនដែលបំភ្លេចយើងឡើយទោះបីជាយើងស្ថិតនៅក្នុងស្ថានភាពលំបាកវេទនាយ៉ាងណាក៏ដោយ ដូចជាមហាវិបត្តិ រលកយក្សដែលបានវាយប្រហារ អាស៊ីអាគ្នេយ៍នាពេលបច្ចុប្បន្ននេះ"។ គាត់បានមានបន្ទូលថា៖"ព្រះជាម្ចាស់បានយាងមកដើម្បីចែករំលែកនូវអត្ថិភាពរបស់មនុស្សយើង"។
ចាប់តាំងពីមានព័ត៌មានមហន្តរាយបំផ្លិចបំផ្លាញមក សម្តេចប៉ាបយូហានប៉ូលទី២ ដែលមានព្រះជន្ម ៨៤ព្រះវស្សាបានចេញព្រះរាជ បន្ទូលលួងលោមលើកទឹកចិត្តនិងផ្តល់សេចក្តីសង្ឃឹមដល់អ្នកដែលនៅរស់រានមានជីវិតពីមហាន្តរាយនេះ ហើយក៏បានអំពាវនាវដល់សហគមន៍អន្តរជាតិជួយដល់អ្នករងគ្រោះទាំងនេះ។ យោងតាមអ្នកនាំពាក្យម្នាក់របស់បុរីវ៉ាទីកង់បានអោយដឹងថា សម្តេចប៉ាបអធិដ្ឋានដល់ជនរងគ្រោះនៅក្នុងអំឡុងពេលអភិបូជានៅឯព្រះវិហារឯកជនរបស់គាត់នាឱកាសឆ្នាំថ្មីបានមកដល់។
Article Source: UCANEWS
|
Print this page
News #169