|
ព្រះវិហារថៃឆ្លើយតបចំពោះជនរងគ្រោះដែលរងការប៉ះទង្គិចពីព្យុះរលកTidal
Posted: 28th December 2004
ឆ្នេរតំបន់Madras,ឥណ្ឌាក្រោយមហន្តរាយ
|
បាងកក(UCAN):ព្រះវិហារនៅប្រទេសថៃបានអំពាវនាវរកជំនួយដើម្បីជួយដល់សហគមន៍អ្នកនេសាទក្រីក្រ និងអ្នកទទួលរងគ្រោះថ្នាក់ផ្សេងៗទៀតពីព្យុះរលកដែលបានសំលាប់មនុស្សរាប់រយនាក់នៅតាមបណ្តោយឆ្នេរសមុទ្រភាគខាងត្បូងនៃប្រទេស។
លោកកាឌីណាល់ Michael Michai Kitbunchu នៃទីក្រុងបាងកកដែលជាប្រធានអភិបាលកាតូលិកប្រចាំប្រទេសថៃបានធ្វើការអំពាវនាវមួយនៅថ្ងៃទី២៧ខែធ្នូដោយបានស្នើសុំអោយព្រះវិហារកាតូលិកនៅ ក្នុងប្រទេសធ្វើការផ្តល់ជាថវិកា និងជារបស់ប្រើប្រាស់ដើម្បីជួយឧបត្ថម្ភ ដល់ជនរងគ្រោះដោយសារព្យុះឈ្មោះtsunamis។
ព្យុះស៊ូណាមីជា វាក្សស័ព្ទក្នុងភាសាជប៉ុនសំរាប់សំគាល់នូវចរន្តរលកដែលបានធ្វើអោយមាននូវការរញ្ជួយដីនៅក្រោមបាតសមុទ្រជាបន្តបន្ទាប់ដែលនេះគឺបង្កអោយមានការរញ្ជួយផែនដីផ្ទុះឡើងយ៉ាងខ្លាំងក្លាកាលពីថ្ងៃទី២៦ខែធ្នូ នៅក្រោមបាតសមុទ្រនៃកោះស៊ូម៉ាត្រាប្រទេសឥណ្ឌូនេស៊ី ដែលផ្ទាំង រលកទឹកកកមានកំពស់រាប់ពាន់គីឡូម៉ែត្រ សំលាប់មនុស្សជាង១២០០០នាក់ ដែលមាននៅប្រទេសបង់ក្លាដេស ឥណ្ឌា ឥណ្ឌូនេស៊ី ម៉ាឡេស៊ី ម៉ាល់ឌី មីយ៉ាន់ម៉ា ថៃ និងប្រទេសស្រីលង្កាជាមួយនឹងមនុស្សជាច្រើនអ្នកទៀតនៅបាត់ខ្លួន រឺមិនទាន់រកឃើញ។
តាមប្រព័ន្ធផ្សព្វផ្សាយរបស់រដ្ឋាភិបាលបានអោយដឹងថា នៅតាម បណ្តោយឆ្នេរភាគខាងត្បូងនៃខេត្តលើតំបន់ឆ្នេរSatun Krabi Phuket Phangnga និង Ranongបានសំលាប់មនុស្សយ៉ាងហោចណាស់៤៣០នាក់ រងរបួសជាង៤០០០នាក់។ នេះមិនបានបញ្ជាក់ពីចំនួន អ្នកដែលបាត់ខ្លួន រឺដែលមិនអាចរាប់បាននៅឡើយទេ។
លោកកាឌីណាល់ មីចៃ (Michai) បានប្រាប់UCA News ថាសន្និបាតនឹងធ្វើ ការរៀបចំការអធិដ្ឋានផងដៃរសំរាប់ជនរងគ្រោះនៃសោធនាដកម្មនេះ នៅពេលអនាគត។
លោកបូជាចារ្យPhobul Visitnonthachai ជាប្រធាននៃការិយា ល័យសំរាប់ការសង្រ្គោះបន្ទាន់និងសំរាប់ជនភៀសខ្លួន(COERR)បានមានប្រសាសន៍ថាការិយាល័យសំរាប់របស់គាត់ស្ថិត ដែលនៅក្រោមសន្និបាតរបស់លោកអភិបាលនឹងធ្វើការសម្របសម្រួលក្នុង នាមជាព្រះវិហារកាតូលិកដ៏ធំនៅប្រទេសថៃ។ ការិយាល័យរបស់លោក នឹងធ្វើការដឹកនាំនូវយុទ្ធនាការនេះ។
គាត់បានប្រាប់UCA News កាលពីថ្ងៃទី២៧ ខែធ្នូថាភ្នាក់ងាររបស់លោកនឹងយកចិត្តទុកដាក់ជាពិសេសទៅលើទីភ្នាក់ងារសង្គ្រោះសំរាប់ អ្នកនេសាទក្រីក្រដែលទទួលរងធ្ងន់ធ្ងរដោយសារព្យុះកំណាចtsunamis។
លោកបូជាចារ្យPhibulបាននិយាយថាគាត់បានស្នើសុំ Stigmatine Father Suebsak Kluimai Na Ayudhya ដែលតំណាងឲ្យ COERRនៅក្នុងភូមិភាគSurat Thani ដើម្បីធ្វើការស្រាវជ្រាវលើកដំបូងទៅលើអ្នកនេសាទតាមទូកតូចៗ នៅគ្រប់ខេត្ត ដូច្នេះភ្នាក់ងាររបស់គាត់អាចចាប់ផ្តើមធ្វើការឆ្លើយតបចំ ពោះទុក្ខវេទនារបស់ប្រជាពលរដ្ឋក្រីក្របាន។
គាត់បានមានប្រសាសន៍ថាអាហារ សំលៀកបំពាក់ និងមូលនិធិដំ បូងចំនួន១០០០០០បាត(ស្មើនឹង២៥០០ដុល្លារ) គឺត្រូវការសំរាប់ភ្នាក់ ងារជួយសង្គ្រោះ។ គាត់បាន បន្ថែមទៀតថា មូលនិធិជាច្រើននឹងត្រូវការនៅពេលក្រោយដើម្បីធ្វើការជួយសង្គ្រោះ និងធ្វើអោយល្អ ប្រសើរឡើងវិញបន្ទាប់ពីអាចរកឃើញនួវពត៌មានអំពីការខូចខាតរបស់គ្រួសារទាំងនោះបាន។
គាត់បាននិយាយថា របាយការណ៍ដំបូងដែលគាត់បានទទួលពី Ranong ដែលជាទីស្នាក់ការរបស់លោកបូជាចារ្យ Suebsak ប្រាប់អោយដឹងថា នៅភូមិSuksamranមានផ្ទះចំនួន១៣០០ត្រូវបាន លិចចូលទៅក្នុងសមុទ្រសំលាប់មនុស្ស២៨នាក់ ហើយបានបំផ្លាញផ្ទះចំនួន៥០០នៅភូមិMuangluang។ គាត់បានបន្ត ទៀតថាសាលារៀន និងមណ្ឌលសុខភាព និងកន្លែងផ្តល់សេវាកម្មសង្គមជាច្រើនក៏ត្រូវបំផ្លិចបំផ្លាញផងដែរ។
លោកបូជាចារ្យ Manop Phongla-eead, បូជាចារ្យប្រចាំព្រះវិហារ Sacred Geart of Jesus នៅ Ranong បានប្រាប់ថាមានគ្រីស្តបរិស័ទម្នាក់ប្រាប់គាត់ថាមានបងប្អូនគាត់ចំនួន៦នាក់នៅឯSuksamranត្រូវបានស្លាប់ដោយសាររលកកំណាច។
គាត់បាននិយាយថា របាយការណ៍ដែលទទួលបានជារបាយការណ៍ត្រួសៗពីបណ្តាខេត្តផ្សេងៗ ប៉ុន្តែភ្នាក់ងាររបស់គាត់នឹងយកចិត្តទុកដាក់ឲ្យបានកាន់ តែខ្លាំងថែមទៀតលើភូមិក្រីក្រដូចជា នៅភូមិRanongជាកន្លែងដែលមិនបានទទួលពត៌មានឲ្យប្រុងប្រយ័ត្នទាក់ទងនឹងរឿងនោះច្រើនដូចនៅតាមសមុទ្រល្បីៗ និងនៅតាម រម្មណីដ្ឋាននៅភូកេតជាដើម។
លោកអភិបាលនៃក្រុមSalesian Prathan Sridanusil នៃ Surat Thaniបាននិយាយថាបុគ្គលិកព្រះវិហាររបស់គាត់បានផ្តល់របាយការណ៍មកថាពុំមាននរណាម្នាក់ត្រូវអន្តរាយឡើយ។ គាត់បានបន្ថែមទៀតថាសោធនាដកម្មដែលបានកើតឡើងនៅពេលនោះ ជាពេលបូជាចារ្យភាគច្រើនកំពុងរៀបចំធ្វើអភិបូជាសំរាប់បុណ្យនៃគ្រួសារដ៏វិសុទ្ធ។ គាត់បានប្រាប់ UCANEWSថាព្រះវិហារ និងសាលាភាគច្រើនទទួងរងការបំផ្លាញ រឺថាការបំផ្លិចបំផ្លាញនេះគ្មានខូចខាតអ្វីសោះ ប្រៀបធៀបនឹងការបាត់បង់ជីវិត។
លោកអភិបាលមានប្រសាសន៍បន្តថា "អ្នកបំពេញកិច្ចការព្រះវិហារគួរអោយស្ងើចសរសើរដែលទទួលខុសត្រូវចំពោះស្ថានភាពអាសន្តតាមតំបន់ព្រះវិហារនិមួយៗបាន។គាត់បានបន្ថែមទៀតថាគាត់រៀបចំរួចរាល់ក្នុងការចាកចេញពី Hua Hin ដែលមានចំងាយ២៤០គីឡូម៉ែត្រភាគខាងត្បូងទីក្រុងបាងកក ហើយក្នុងដំណើររបស់គាត់ដើម្បីធ្វើទស្សនៈកិច្ចខេត្តដែលទទួលរងគ្រោះថ្នាក់ ដើម្បីធ្វើការពិនិត្យលើការខូចខាតសំរាប់ឆ្លើយតបទៅព្រះវិ ហារ។
បងស្រីRosa Suphathongamphai ក្រុមបំរើបេះដូងបរិសុទ្ធរបស់ព្រះនាងម៉ារី(Servants of the Immaculate Heart of Mary)បាននិយាយថាសមាជិកនៃសហគមន៍របស់គាត់ដែលបើកសាលា នៅភូកេតបានទៅយកប្រជាពលរដ្ឋគេចខ្លួនចេញពីរលកទឹក ហើយនិងអ្នកដែលទទួលរងរបួស។
Stigmatine Father Pipat Rungruankkul ជាសហធម្មចារីខេត្តដែលធ្វើការយ៉ាងសំខាន់នៅភាគខាងត្បូងនៃប្រទេសថៃបានប្រាប់UCA Newsកាលពីថៃ្ងទី២៧ខែធ្នូថា សហភាគារបស់គាត់ដែលមានគំរោងថ្វាយអភិបូជាជាមួយគ្នានៅ ឆ្នេរPatong និងBangthao ដែលនៅជុំវិញកោះភូកេត មិនអាចចូលបានទេដោយឆ្នេរទាំងនោះត្រូវឡោមព័ទ្ធដោយមន្ត្រីរាជការ។
លោកបូជាចារ្យSuebaskUCAបានប្រាប់UCA Newsនៅថៃ្ងទី២៧ខែធ្នូថាព្រះវិហារតូចនៅPatong ត្រូវបានបំផ្លាញខ្ចេចខ្ទីអស់។
លោកបូជាចារ្យPipat បាននិយាយថានៅឯព្រះវិហារសន្ត Agnes នៅ Krabi ថាប្រហែលជា៧០០ម៉ែត្រពីឆ្នេរ Nopharat Thara, បូជាចារ្យប្រចាំព្រះវិហារ លោក Stigmatine Father Pornchai Techapitaktham បានរៀបចំរួចជាស្រេចសំរាប់ អភិបូជាដោយមានគ្រីស្តបរិស័ទកាតូលិក បានចាប់ផ្តើមមកដល់ស្របពេលដែលរលកចាប់ផ្តើមបុកចូល។ គាត់បាននិយាយថាលោកបូជាចារ្យ Pornchai រួមដំណើរជាមួយអ្នកមានកំលាំងកំហែងជាច្រើនទៅជួយនាំយកមនុស្សចាស់ និងអ្នកជំងឺដែលសំរាកនៅផ្ទះ។
លោកអភិបាលPrathanបានមានប្រសាសន៍ថាលោកបូជាចារ្យPornchai ក្រៅពីបង្កើតជំរកសំរាប់អ្នកភូមិដែលទទួលរងការប៉ះពាល់នៅតាមតំបន់ព្រះវិហារ គាត់ក៏បានធ្វើការជាមួយនឹងអារាម ព្រះពុទ្ធសាសនាក្នុងតំបន់ផងដែរ ក្នុងការមើលថែសាកសព។
លោកបូជាចារ្យPipat បាននិយាយថាបូជាចារ្យទទួលខុសត្រូវព្រះវិហារ និងគ្រីស្តបរិស័ទជើងព្រះវិហារបានឃើញផ្ទះគ្រីស្តបិរិស័ទកាតូលិកជាច្រើនត្រូវបានបំផ្លាញ ប៉ុន្តែកិច្ចការរបស់ពួកគេគឺជួយមនុស្សចាស់ឲ្យមានសុវតិ្ថភាព។
គាត់បាននិយាយថាសហភាគារបស់គាត់កំពុងសម្របសម្រួលជាមួយនឹងលោកបូជាចារ្យPhibul ដើម្បីឧបត្ថម្ភដល់ប្រជាពលរដ្ឋដែលទទួលរងគ្រោះនៅក្នុង Ranong, Trang និង Phangnga។
COERR ដែលបានស្ថាបនាឡើងតាំងពីឆ្នាំ១៩៧៨ ដោយលោកបូជាចារ្យ John Bapist Bunlert Tharachatr ផ្តល់ការអនុគ្រោះដល់ជនភៀសខ្លួនដែលមកពីប្រទេសកម្ពុជា ឡាវ ភូមា និងវៀតណាម ក្នុងនោះក៏មានប្រជាជនថៃនៅតាមព្រំប្រទល់ដែលទទួលរងពីសង្គ្រាមផងដែរ។
Article Source: UCANEWS
|
Print this page
News #155