|
ផែនការកម្មទៅអនាគតរបស់ព្រះសហគមន៍កាតូលិក នៅកម្ពុជា
Posted: 13th December 2004
|
សព្វថៃ្ង សកលភាវូបនីយកម្ម និងគោលការណ៍របស់វាបានប៉ះទង្កិចនឹងរបៀបរស់នៅ និងសង្គមកម្ពុជាដែលទទួលការខូចខាតរចនាសម្ព័ន្ធសង្គម ការឈឺចាប់អំពីភាពក្រីក្រ និងប្រព័ន្ធអប់រំដែលមិនមាំទាំ។ ទៅខាងមុខ ការផ្តើមខំអស់ពីសមត្ថភាពរបស់យើង គឺត្រូវតែរៀបចំឲ្យសកលភាវូបនីយកម្មនេះ នៅក្នុងផ្លូវជាវិជ្ជមានមួយ និងជួយប្រជាជនកម្ពុជាប្រឈមទល់នឹងបញ្ហាទាំងនេះ។ តើធ្វើដូចម្េតច ដើម្បីប្រគល់អំណាចឲ្យទៅពួកគេតាមមធ្យោបាយតម្លៃនៃការជឿជាក់ និងតើធ្វើដូចម្តេច ដើម្បីទ្រទ្រង់សេដ្ឋកិច្ចដល់សមាគមន៍ មានន័យថាដើម្បីតទល់នឹងរាល់ការប្រកួតប្រជែងដែលមាននៅខាងមុខនេះ។ យើង ធ្វើការតាមរយៈចងក្រងឡើងវិញរចនាសម័្ពន្ធសង្គម ហើយមិនមែនជាការជួសជុលចំណែកខូចខាតរបស់វានោះទេ។
ចំណុចសំខាន់ក្នុងការប្រឹងប្រែង ដើម្បីកសាងឡើងវិញរចនាសម្ព័ន្ធសង្គមនេះគឺ ត្រូវតែយល់ពីគ្រួសារ និងសហគមន៍ ដែលបានបាក់បែក តែយើងមិនអាចត្រឡប់ក្រោយទៅសម័យកាលមុនសង្រ្គាមនោះវិញទេ។ បំណងរបស់យើងគឺ កសាងឡើងវិញសង្គមនេះដោយតម្រូវទៅនឹងពេលវេលាថ្មី និងពិភពថ្មីមួយ។ វាជាការប្រព្រឹត្តទៅដូចគ្នា នឹងរបៀបដែលយើងយល់ពីតួនាទីព្រះវិហារនៅក្នុងប្រទេសនេះ វាមិនមែនជាការធ្វើសង្គមឲ្យដូចដើមឡើងវិញ អ្វីដែលត្រូវបំផ្លាញ និងបានមកវិញនូវពេលវេលាដែលបាត់បង់នោះទេ។ ប៉ុន្តែ ឆ្លៀតយកឱកាស ដើម្បីទៅកាន់ប្រភពថ្មីៗ បរិសុទ្ធនៃសច្ចៈធម៌ព្រះយេស៊ូ ចេញពីនេះត្រូវរៀបចំឡើងវិញព្រះសហគមន៍។
- រយៈពេលប៉ុន្មានឆ្នាំខាងមុខ យើងត្រូវតែបន្តសកម្មភាពដូចគ្នា។ នៅពេលដែលបម្រើការបណ្តុះបណ្តាលជំនឿនៃព្រះសហគមន៍កាតូលិករបស់យើង អាទិភាពដំបូងគឺកុមារ យុវជន កាយវិកលជន និងភេទនីយ៍ (ជនដែលងាយទទួលរងការឈឺចាប់)។
- ចេញពីទស្សនៈណែនាំគ្រិស្តបរិស័ទ កម្មវិធីរៀបចំការណែនាំគ្រិស្តបរិស័ទ ដូចជាសិក្ខាសាលាសម្រាប់អ្នកអប់រំជំនឿ អក្ខរកម្ម និងការរៀនរបាំកម្ពុជាក៏ត្រូវបានធ្វើជាបន្ត។ ប៉ុន្តែ សំខាន់ចំពោះយើងជាងនេះគឺ ភ្ជាប់ការធ្វើពិធីបុណ្យទៅនឹងជីវិតរស់នៅរបស់ប្រជាជន។ យើង បានធ្វើឲ្យប្រសើរការចូលរួម និងផែនការកម្មសម្រាប់ការធ្វើពិធីបុណ្យនេះ។
- ការអប់រំអ្នកដឹកនាំ ក៏ជាចំណុចសំខាន់ផងដែរ តែបញ្ហានេះត្រូវភ្ជាប់ទៅនឹងតម្លៃនៃការផ្សះផ្សារ និងសន្តិភាពនៅក្នុងនោះ និងអំពីសហគមន៍ផងដែរ។ វាមិនជាសំខាន់ណាស់ណាទេ ការបណ្តុះបណ្តាលអ្នកដឹកនាំ ប៉ុន្តែដើម្បីជាមូលដ្ឋានក្នុងរបៀបមួយដែលត្រូវធ្វើ។
- វិស័យជាអាទិភាពគឺ ទ្រទ្រង់មូលដ្ឋានអប់រំ អក្ខរភាពសម្រាប់កុមារ និងជួយយុវជនឲ្យបញ្ចប់ការសិក្សារបស់គេ យ៉ាងហោចណាស់ក៏កម្រិតមធ្យមសិក្សាជាមួយនឹងការយកចិត្តទុកដាក់ពិសេសចំពោះជនកាយវិកល។
- ក្នុងវិស័យការងារសង្គម យើងមានផែនការសហការជាមួយនឹងអង្គការការីតាសកម្ពុជាដែលមានគោលដៅដូចគ្នាផងដែរ។
- យើង ប្រាថ្នាពង្រីកមិត្តភាព និងសហប្រតិបត្តិការជាមួយនឹងជំនឿផ្សេងៗទៀត(ជាចម្បងគឺ ព្រះពុទ្ធសាសនា និងឥស្លាមសាសនា) ជាពិសេសជាមួយនឹងអ្នកដែលឆ្លើយតបទៅនឹងសេចក្តីត្រូវការរបស់ប្រជាជន និងជាមួយអ្នកដែលផ្តល់ព្រះវិហារ(ពុទ្ធសាសនា និងឥស្លាមសាសនា) មិនមែនតែចំពោះការជួបជុំតាមប្រពៃណី ប៉ុន្តែជាមជ្ឈមណ្ឌលដើម្បីរៀបចំឡើងវិញរចនាសម្ព័ន្ធសង្គម។
- នៅមានព្រះវិហារ និងអាគារមណ្ឌលសហគមន៍កំពុងសាងសង់បង្ហើយ ឬចាប់ផ្តើមនៅខែបន្ទាប់ក៏ដូចជាការសាងសង់សាលា និងបន្ទប់សិក្សាផងដែរ។
- ដីសម្រាប់សហគមន៍ដាំដុះត្រូវបានប្រគល់ឲ្យទុកជាកម្មសិទ្ធ។ ការទាក់ទងនឹងការទិញ ការរៀបចំដីសម្រាប់សហគមន៍ក្រីក្រ និងសកម្មភាពកសិកម្មផ្សេងៗទៀតនឹងត្រូវបានដំណើរការបន្ត។
Article Source: C.S.C
|
Print this page
|
|
|
Diocese of Kompong Cham - Article #141